Gaan na inhoud

Kanadese nasionale vrouerugbyspan

in Wikipedia, die vrye ensiklopedie
Kanada
Unie Rugby Kanada (RC)
Bynaam(e) Canucks, Les Rouges
Embleem die Esdoringblaar
Afrigter(s) Vlag van Frankryk Kévin Rouet (sedert 2022)
Kaptein(s) Alex Tessier
Eerste internasionale wedstryd
Vlag van Kanada Kanada 3–22 Verenigde State Vlag van Verenigde State van Amerika
(Victoria, Kanada; 14 November 1987)
Grootste oorwinning
Vlag van Kanada Kanada 98–0 Hongkong Vlag van Hongkong
(Dublin, Ierland; 9 Augustus 2017)
Grootste nederlaag
Vlag van Kanada Kanada 3–88 Nieu-Seeland Vlag van Nieu-Seeland
(Edmonton, Kanada; 8 September 1996)
Wêreldbeker
Verskynings 9/9 (Eerste in 1991)
Beste uitslag Naaswenner in 2014 en 2025
Unie webwerf
www.rugby.ca

Die Kanadese nasionale vrouerugbyspan (Engels: Canada women’s national rugby union team; Frans: Équipe du Canada féminine de rugby à XV) is die nasionale vrouerugbyspan wat Kanada in internasionale wedstryde (toetswedstryde) verteenwoordig. Dié span dra die byname Canucks en Les Rouges. Rugby word in Kanada geadministreer deur Rugby Kanada (Engels: Rugby Canada, RC; Frans: Fédération canadienne de rugby à XV) wat in 1974 gestig is. Kanada word as die naasbeste vrouerugbyspan in die Amerikas beskou (ná die Verenigde State). Kanada is tans (September 2025) tweede op Wêreldrugby se wêreldranglys gelys.[1]

Kanada het sy eerste toetswedstryd in 1987 teen die Verenigde State gespeel. Kanada se belangrikste internasionale verskyning is tydens die vierjaarlikse vrouerugbywêreldbekertoernooi wat sedert 1991 beslis word. Kanada het aan al tien die toernooie deelgeneem en sowel in 2014 as in 2025 as naaswenner geëindig. Kanada neem jaarliks aan die Stille Oseaan-vierreeks deel, saam met Australië, Nieu-Seeland en die Verenigde State. Een voormalige Kanadese rugbyspeler is in Wêreldrugby se Heldesaal opgeneem. Die Kanadese span speel tradisioneel in rooi truie met wit kleuraksente, rooi broeke met wit strepe en wit sokkies met rooi strepe – wat aan die kleure van die vlag van Kanada ontleen is.

Beheerliggaam

[wysig | wysig bron]
Die hoofartikel vir hierdie afdeling is: Rugby Kanada.

Die beheerliggaam vir rugby in Kanada is Rugby Kanada (Engels: Rugby Canada, RC; Frans: Fédération canadienne de rugby à XV). Rugby Kanada is in 1974 gestig en het in 1987, net voor die eerste mansrugbywêreldbekertoernooi, ’n volle lid van die Internasionale Rugbyvoetbalraad (IRVR; nou Wêreldrugby) geword.[2] Daarbenewens was Rugby Kanada in 2001 ’n stigtingslid van die Noord-Amerikaanse en Wes-Indiese Rugbyvereniging (North America and West Indies Rugby Association, NAWIRA; nou Rugby Amerikas Noord), nadat Kanada en die Verenigde State by die Wes-Indiese Rugbyvereniging (West Indies Rugby Association) aangesluit het.[3]

Geskiedenis

[wysig | wysig bron]

Die Kanadese vrouerugby se ontwikkeling het in die 1980’s begin met die eerste toetswedstryd in 1987 in Victoria teen ’n ander nasionale span wat sy debuut gemaak het, die Verenigde State.[4] Dit was ook die heel eerste vrouetoetswedstryd buite Europa.[5]

In 1991 het Kanada aan die heel eerste Vrouerugbywêreldbeker in Wallis deelgeneem. Die span het ná ’n oorwinning oor Spanje met 19–4 in die uitspeelwedstryd die vyfde plek beklee. Sedertdien het die Kanadese span aan elke vrouerugbywêreldbekertoernooi deelgeneem.[4]

Tydens die Vrouerugbywêreldbeker 2014 in Frankryk het die Kanadese die eindstryd gehaal. Hulle was met die latere wêreldkampioen Engeland in dieselfde groep. Die groepwedstryd tussen albei spanne het in ’n 13–13-gelykop geëindig, terwyl die Kanadese die herontmoeting in die eindstryd met 9–21 verloor het.[6][7][8][9]

In 2022 het Kanada ná ’n nederlaag teen Frankryk in die vanweë die wêreldwye Covid-19-pandemie met een jaar uitgestelde Vrouerugbywêreldbeker 2021 in Nieu-Seeland se bronseindstryd die vierde plek beklee.[10][11][12]

Tydens die Vrouerugbywêreldbeker 2025 in Engeland het die Kanadese in die halfeindstryd die verdedigende kampioen Nieu-Seeland uitgeskakel en in die eindstryd die gasvroue Engeland ontmoet, maar met 13–33 verloor.[13][14]

Kleure, embleem en bynaam

[wysig | wysig bron]

Kanada speel tradisioneel in ’n rooi trui met wit kleuraksente, wit broeke met rooi strepe en rooi sokkies met wit strepe. Hul alternatiewe trui is wit met rooi kleuraksente, rooi broeke met wit strepe en wit sokkies met rooi strepe.

Die beheerliggaam Rugby Kanada se kenteken toon ’n elfpuntige esdoringblaar (Acer saccharum) in die nasionale kleure wit en rooi, ontleen aan die vlag van Kanada, met die belettering Rugby op. Die nasionale span se byname is Canucks, ontleen aan die slangterm vir Kanadese, en Les Rouges („die rooies“), afgelei van die truikleur.

Tuisstadions

[wysig | wysig bron]

Net soos ander vername rugbylande soos Frankryk, Ierland, Italië, Nieu-Seeland, Skotland, Suid-Afrika, die Verenigde State en Wallis beskik Kanada oor geen amptelike tuisstadion vir sy nasionale span nie. Die Kanadese gebruik vir hul toetse eerder ’n verskeidenheid stadions dwarsdeur Kanada.

Rugbywêreldbekerstadions

[wysig | wysig bron]
Die hoofartikel vir hierdie afdeling is: Vrouerugbywêreldbeker 2006.

Kanada het die Vrouerugbywêreldbeker 2006 aangebied. Al die wedstryde is in die Kanadese provinsie Alberta gehou.

Toetswedstryde

[wysig | wysig bron]

Kanada het 90 van sy 176 toetswedstryde gewen, ’n wenrekord van 51,14%. Kanada se statistieke in toetswedstryde teen alle lande, in alfabetiese volgorde, is soos volg (korrek teen September 2025):

Opponent Gespeel Gewen Verloor Gelykop % Gewen
Vlag van Australië Australië7700100,00
Vlag van Engeland Engeland3833417,89
Vlag van Fidji Fidji2200100,00
Vlag van Frankryk Frankryk1899050,00
Vlag van Hongkong Hongkong1100100,00
Vlag van Ierland Ierland431075,00
Vlag van Italië Italië3300100,00
Vlag van Japan Japan2200100,00
Vlag van Kasakstan Kasakstan2200100,00
Vlag van Nederland Nederland1100100,00
Vlag van Nieu-Seeland Nieu-Seeland19217010,53
Vlag van Samoa Samoa1100100,00
Vlag van Skotland Skotland871087,50
Vlag van Sowjetunie Sowjetunie1100100,00
Vlag van Spanje Spanje3300100,00
Vlag van Suid-Afrika Suid-Afrika4400100,00
Vlag van Swede Swede1100100,00
Vlag van Verenigde State van Amerika Verenigde State462719056,52
Vlag van Wallis Wallis15112273,33
Algeheel1769083351,14

Wedywering met ander nasionale spanne

[wysig | wysig bron]

Kanada se grootste mededinger in rugby is die Verenigde State. Kanada het meer toetswedstryde teen dié suidelike buurland as teen enige ander land gespeel. Die twee spanne het in 1987 vir die eerste keer teen mekaar te staan gekom en van die 46 toetswedstryde tot dusver het Kanada 27 gewen en die Verenigde State 19. Beide Kanada en die Verenigde State is onder die suksesvolste spanne wat die vrouerugbywêreldbekertoernooi betref, aangesien die Kanadese in 2014 en 2025 die eindstryd gehaal het, terwyl die Amerikaners die eerste Vrouerugbywêreldbeker 1991 kon wen en tydens die twee daaropvolgende toernooie ook die eindstryd kon haal. Tot dusver het albei spanne tydens drie vrouerugbywêreldbekertoernooie vier keer ontmoet: in 1998, 2010 en twee keer tydens die 2021-toernooi wat in 2022 gehou is. Sedert 2021 ontmoet albei spanne jaarliks tydens die jaarlikse Stille Oseaan-vierreeks, waaraan ook Australië en Nieu-Seeland deelneem. Van 1987 tot 1999 was die Verenigde State in nege agtereenvolgende toetswedstryde onoorwonne, sedert 2019 kon Kanada dié wenreeks ewenaar en ook nege agtereenvolgende toetswedstryde wen.[15]

Kanada handhaaf ook ’n sekere wedywering met Engeland. Kanada en Engeland het tot dusver in 38 toetswedstryde ontmoet, waarvan Engeland 34 gewen het en Kanada drie, met een gelykopuitslag. Daarbenewens het albei spanne in twee eindstryde ontmoet en ook een bronseindstryd beslis (wat Kanada almal verloor het).

Rekords

[wysig | wysig bron]

Wêreldbekerrekord

[wysig | wysig bron]

Kanada het aan elke vrouerugbywêreldbekertoernooie deelgeneem en het tydens die 2014- en 2025-toernooie as naaswenner geëindig.

JaarUitslag
1991Vyfde plek
1994Sesde plek
1998Vierde plek
2002Vierde plek
2006Vierde plek
2010Sesde plek
2014Naaswenner
2017Vyfde plek
2021Vierde plek
2025Naaswenner
2029gekwalifiseer
2033N.v.t.

Stille Oseaan-vierreeks

[wysig | wysig bron]

Kanada se enigste jaarlikse toernooi is die Stille Oseaan-vierreeks, waar hulle teen drie ander lande van die Stille Oseaangebied speel: Australië, Nieu-Seeland en die Verenigde State. Die Stille Oseaan-vierreeks is in 2021 vir die eerste keer tussen Kanada en die Verenigde State beslis, Australië en Nieu-Seeland het in 2022 by dié toernooi aangesluit.[16] Die Kanadese het sedertdien twee toernooie gewen.

  • Titeloorwinnings (2): 2021, 2024

Spelers

[wysig | wysig bron]

Huidige span

[wysig | wysig bron]

Die volgende spelers het die Kanadese span gevorm tydens die Vrouerugbywêreldbeker 2025:[17]

Agterspelers (backs, arrières)
SpelerPosisieKlubToetswedstryde
Olivia AppsSkrumskakelLindsay18
Justine PelletierSkrumskakelBordeaux37
Claire GallagherLosskakelTrailfinders18
Taylor PerryLosskakelExeter Chiefs / Oakville Crusaders15
Alex Tessier KapteinLosskakelExeter Chiefs / Saint-Anne-de-Bellevue59
Alysha CorriganSenterSaracens21
Shoshanah SeumanutafaSenterChiefs Manawa18
Fancy BermudezVleuelSaracens / Westshore18
Paige FarriesVleuelSaracens40
Asia Hogan-RochesterVleuelToronto Nomads / Westshore3
Florence SymondsVleuelUniversiteit van Brits-Columbië12
Sarah-Maude LachanceHeelagterBordeaux10
Julia SchellHeelagterTrailfinders / Castaway Wanderers26
Voorspelers (forwards, avants)
SpelerPosisieKlubToetswedstryde
Gillian BoagHakerCapilano32
Taylor McKnighHakerUniversiteit van Guelph / Aurora Barbarians1
Emily TuttosiHakerExeter Chiefs / Calgary Hornets34
Olivia DeMerchantStutHalifax Tars60
McKinley HuntStutSaracens / Aurora Barbarians32
Brittany KassilStutGuelph Goats46
DaLeaka MeninStutExeter Chiefs / Calgary Hornets63
Maya MontielStutSaracens5
Mikiela NelsonStutExeter Chiefs / Capilano10
Tyson BeukeboomSlotCowichan Piggies / Aurora Barbarians77
Caroline CrossleySlotCastaway Wanderers7
Courtney O’DonnellSlotRed Deer Titans46
Julia OmokhualeSlotSaracens / Calgary Irish7
Rachel SmithSlotUniversiteit van Brits-Columbië3
Pamphinette BuisaLosvoorspelerOttawa Irish17
Sophie de GoedeLosvoorspelerSaracens / Castaway Wanderers35
Fabiola FortezaLosvoorspelerBordeaux35
Karen PaquinLosvoorspelerClub de rugby de Quebec45
Laetitia RoyerLosvoorspelerSaracens / Saint-Anne-de-Bellevue18
Gabby SenftLosvoorspelerSaracens / Castaway Wanderers32

Bekende spelers

[wysig | wysig bron]
Heather Moyse in 2010

Een voormalige Kanadese speler is vir haar uitstekende prestasies in Wêreldrugby se Heldesaal opgeneem:[18]

SpelerPosisieInskrywing
Heather MoyseHeelagter2016

Sien ook

[wysig | wysig bron]

Verwysings

[wysig | wysig bron]
  1. ↑ (en) "Women's and Men's Rankings". Wêreldrugby. Besoek op 28 September 2025.
  2. ↑ (en) "Canada". Wêreldrugby. Besoek op 28 September 2025.
  3. ↑ (en) "About RAN". Rugby Amerikas Noord. 2001. Besoek op 28 September 2025.
  4. 1 2 (en) Safa Khan. "History of Women's Rugby in Ontario". Rugby Ontario. Geargiveer vanaf die oorspronklike op 13 November 2021. Besoek op 13 November 2021.
  5. ↑ (en) John Birch (16 Augustus 2014). "An American Century: USA's 100th test". Scrum Queens. Geargiveer vanaf die oorspronklike op 4 April 2023. Besoek op 4 April 2023.
  6. ↑ (en) "How did England win the 2014 Women's Rugby World Cup?". rugbyworldcup.com. 31 Augustus 2014. Besoek op 28 September 2025.
  7. ↑ (en) Michael Butler (17 Augustus 2014). "Women's Rugby World Cup final: England v Canada – as it happened". The Guardian. Besoek op 28 September 2025.
  8. ↑ (en) James Riach (17 Augustus 2014). "Emily Scarratt's boot hands England World Cup final win over Canada". The Guardian. Besoek op 28 September 2025.
  9. ↑ (en) "Women's Rugby World Cup: England beat Canada to win final". BBC. 17 Augustus 2014. Besoek op 28 September 2025.
  10. ↑ (en) "Blue wave hits Canada as France celebrates Bronze victory". Americas Rugby News. 12 November 2022. Besoek op 28 September 2025.
  11. ↑ (en) "Canadian women fall to France in bronze-medal match at Rugby World Cup". CBC/Radio-Canada. 12 November 2022. Besoek op 28 September 2025.
  12. ↑ (en) "Five-try France blow away Canada to take bronze at Rugby World Cup 2021". rugbyworldcup.com. 12 November 2022. Besoek op 28 September 2025.
  13. ↑ (en) Mike Henson (27 September 2025). "England can 'dominate world for long time' – Mitchell". BBC. Besoek op 28 September 2025.
  14. ↑ (en) Sarah Rendell (27 September 2025). "England outclass Canada to capture glorious Women's Rugby World Cup triumph". The Guardian. Besoek op 28 September 2025.
  15. ↑ (en) "Comprehensive victory for Canada over USA in Spain". Americas Rugby News. 1 April 2023. Besoek op 28 September 2025.
  16. ↑ (en) "Pacific Four Series Announced". W Rugby. Besoek op 28 September 2025.
  17. ↑ (en) "32-players named to Canada's squad for Rugby World Cup in England". Rugby Kanada. 23 Julie 2025. Besoek op 28 September 2025.
  18. ↑ (en) "Inductees". Wêreldrugby. Besoek op 28 September 2025.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Kanadese_nasionale_vrouerugbyspan&oldid=2855039"