Kanseliersgebou UP

in Wikipedia, die vrye ensiklopedie
Spring na: navigasie, soek

Toenemende studentegetalle in die laat 1950s het addisionele lesingsaalfasiliteite op die Hatfieldkampus van die Universiteit van Pretoria genoodsaak. In 1958 is daar besluit om ’n nuwe gebou tussen die Ou Letteregebou en die Ou Chemiegebou op te rig. Twee waaiervormige lesingsale is deur die argitekfirma Meiring Naude ontwerp. Konstruksie van die gebou is in 1959 voltooi en het bekend aanvanklik gestaan as die Derde Geesteswetenskappegebou.

Die argitek Brian Sandrock het in 1963 opdrag gekry om drie addisionele lesingsale te ontwerp. Nadat hierdie uitbreidings voltooi is, kon die gebou ’n totaal van 1800 studente in vyf lesingsale akkommodeer, en die gebou is herdoop tot die Kanseliersgebou. Elk van die vyf sale in die gebou is vernoem na die vyf kanseliers van die universiteit, naamlik die Roos-, Louw-, Van der Byl-, Te Water- en die Muller-saal. [1]

Verwysings[wysig | wysig bron]