Karima Brown
Karima Brown | |
|---|---|
| Gebore | 1967 Kaapstad, Suid-Afrika |
| Sterf | 4 Maart 2021 |
| Nasionaliteit |  Suid-Afrika |
| Beroep | Joernalis |
Karima Brown (1967 ‒ 4 Maart 2021) was 'n Suid-Afrikaanse joernalis.
Vroeë lewe en opleiding[wysig | wysig bron]
Brown is in Kaapstad gebore en het skoolgegaan aan die Hoërskool Soutrivier. [1] Brown was die dogter van Achmat Semaar, 'n gemeenskapsleier in Mitchell's Plain en 'n ANC-aktivis.[2] Sy volg hom na politieke aktivisme toe sy by die Cape Youth Congress en die South African Students Congress aansluit terwyl sy aan die Universiteit van Wes-Kaap studeer.[3] Sy was later lid van die United Democratic Front. [4]
Loopbaan[wysig | wysig bron]
Gedurende haar loopbaan as 'n gerespekteerde Suid-Afrikaanse joernalis was sy die politieke redakteur van Business Day, het sy die Karima Brown-program op Radio 702 aangebied, was groepredakteur by Independent Newspapers en het Forbes Women Africa geloods. Voor haar afsterwe het sy 'n aktualiteitsprogram op eNCA aangebied, genaamd The Fix.
As lid van die ANC sowel as joernalis het sy af en toe kontroversie ontlok.[2] In Oktober 2006 stem 'n interne kommissie by die SAUK met die veteraanjoernalis John Perlman saam dat die uitsaaikorporasie 'n arbitrêre swartlys met politieke kommentators het. Die kommissie van ondersoek onder leiding van Zwelakhe Sisulu en Gilbert Marcus, het bevind dat Brown saam met Aubrey Matshiqi, William Gumede, Paula Slier, Sipho Seepe, Moeletsi Mbeki, Elinor Sisulu en Trevor Ncube op die swartlys geplaas was.[5] Sy het in 2019 'n hofsaak teen die Ekonomiese Vryheidsvegters (EFF) gewen, nadat sy hulle gedagvaar het oor dreigende boodskappe wat sy ontvang het toe Julius Malema haar selfoonnommer op die sosiale media gepubliseer het.[4] Die hooggeregshof in Johannesburg het bevind dat die party die kieswet oortree, en Brown verwelkom die uitspraak as 'n “oorwinning vir mediavryheid, 'n oorwinning teen seksisme, en ['n] oorwinning vir vroue in die joernalistiek en beskerming en vryheid van die media".[6]
Afsterwe[wysig | wysig bron]
Sy sterf as 'n gevolg van komplikasies van die Koronavirussiekte-2019 op 54-jarige ouderdom.[7] Die Suid-Afrikaanse regering het haar hulde gebring en gesê dat "haar bydrae tot die joernalistieke beroep en vreesloosheid in die uitvoering van haar werk, baie gemis sal word."[4]
Verwysings[wysig | wysig bron]
- ↑ "Cape Town mourns losing one of her own". capetownetc. Besoek op 4 Maart 2021.
- ↑ 2,0 2,1 Davis, Rebecca. "Karima Brown, tiger of SA journalism, dies of Covid-19". Daily Maverick. Besoek op 4 Maart 2021.
- ↑ Balfour, Yonga. "From Shame To Acceptance: A Story Of Food, Politics And Religion". Mosadi Online. Besoek op 4 Maart 2021.
- ↑ 4,0 4,1 4,2 Magome, Mogomotsi. "Tributes pour in after prominent South African journalist Karima Brown dies of COVID-19". The Globe and Mail. Besoek op 4 Maart 2021.
- ↑ Haffajee, Ferial (13 Oktober 2006). "Inside the SABC blacklist report". Mail & Guardian. Geargiveer vanaf die oorspronklike op 18 April 2012. Besoek op 4 Maart 2021.
- ↑ Boswell, Barbara (10 September 2020). "EFF on a collision course with dissident black women". Mail & Guardian. Besoek op 4 Maart 2021.
- ↑ de Villiers, James. "Karima Brown: 'A fearless commitment to having necessary conversations'". News24.com. Besoek op 4 Maart 2021.