Karin Hougaard

in Wikipedia, die vrye ensiklopedie
Spring na: navigasie, soek
Karin Hougaard
Geboorte 21 Februarie
Burgersdorp, Oos-Kaap
Beroep(e) Sanger, skrywer, digter, skilder
Aktiewe jare 1983 -
Webwerf karinhougaard.co.za
Portal.svg Musiekportaal

Karin Hougaard is 'n Afrikaanse sangeres, skrywer, digter en skilder. Sy is op die Afrikaanse musiektoneel vandat sy die ATKV se Crescendo-kompetisie in 1980 as jong 16-jarige student gewen het. Ondertussen het sy reeds 13 CD's vrygestel en 'n verskeidenheid pryse losgeslaan met haar musiek en verhoogwerk.

Die afgelope paar jaar het sy haar veral toegespits op musiekteater en haar assosiasie met die Nederlandse kunstenaar Herman van Veen het veral opwindende werk opgelewer.[verwysing benodig] The First Lady, 'n teaterstuk oor die lewe van Jackie Kennedy, Karin Hougaard Sings Queen en Mati Hari, 'n toneelstuk oor die Nederlandse spioen. Haar DVD, Hartstukke verskyn in November 2008. Haar eerste woordbundel, getiteld "Woorde sonder Wysies", asook 'n kortverhaal in die publikasie "Amfiteater" verskyn ook in 2008. Sy debuteer ook as skilder met haar eerste eenvrou-kunsuitstalling, "Solo". In 2009 tree sy in onder meer België en Nederland op met die teaterstuk "Margot". Karin en Anne van Veen se komposisie Bij Mij (vanaf die CD HARTSTUKKE) word in 2012 uitgesonder as een van die toptien Nederlandse kleinkunsliedere - sogenaamde Nieuwe Klassiekers - liedere met ewigheidswaarde. Hougaard se teks Kruietuin word voorgeskryf as poësie vir Afrikaansleerders in gr. 11 en is ook opgeneem in die jongste FAK-sangbundel.

Karin se nuutste uitreiking met gedigte, getiteld WEGKANER, het in Februarie 2014 verskyn. Die Afrikaanse enkelsnit LUKAS, 'n duet tussen Hougaard en Ashton Nyte, sien ook in 2014 die lig.

Albums[wysig | wysig bron]

Karin Hougaard se albums sluit in:

  • Eerste Afspraak - 1983
  • Herontmoeting - 1987
  • Hoogtepunte - versamelalbum
  • Bly - 1993
  • Muse - 1998
  • Metamorph - 1999
  • Karin Hougaard sings Queen - 2003
  • Hartstukke - 2006
  • Omnibus - 2007
  • Hartstukke DVD - November 2008
  • Jou Verhaal CDS, 2008[1]
  • Alien Sky - 2012

Verwysings[wysig | wysig bron]

  1. Vetseun.co.za, besoek op 18 Desember 2010.

Sien ook[wysig | wysig bron]

Eksterne skakels[wysig | wysig bron]