Karkloof-natuurreservaat
Die Karkloof-natuurreservaat, insluitend die Karkloofwoud, is 22 km noord van Howick, KwaZulu-Natal, Suid-Afrika geleë.
Dit bestaan uit 'n groot (936 ha) misgordelwoud met inheemse geelhout- (Afrocarpus falcatus, Podocarpus latifolius en Podocarpus henkelii) en stinkhoutbome (Ocotea bullata).
Wildlewe sluit in samango-ape, blouduiker en bosbokke. Kroonarende (Stephanoaetus coronatus) broei hier, [1] en die bedreigde Kaapse woudpapegaai (Poicephalus robustus robustus) kom ook hier voor.
Endemies aan die gebied is 'n subspesie van die kuifkoptarentaal (Guttera edouardi symonsi),[2] en 'n dwergverkleurmannetjie (Bradypodion sp.) wat verwant is aan die Natalse Middellandse dwergverkleurmannetjie en die swartkopdwergkameleon.
Ander voëls wat hier aangetref word, is onder meer die Knysnaloerie (Tauraco corythaix), gestreepte kanarie (Crithagra scotops), witkoljanfrederik (Pogonocichla stellata), oranjelyster (Zoothera gurneyi), draaihals (Jynx ruficollis), goudstertspeg (Campethera abingoni) en breëkoparend (Polemaetus bellicosus). [3]
Sien ook[wysig | wysig bron]
- Woude van KwaZulu-Natal
- Karkloof-varkblompylstert
Verwysings[wysig | wysig bron]
- ↑ "argiefkopie". Geargiveer vanaf die oorspronklike op 5 Desember 2010. Besoek op 12 Maart 2021.
- ↑ M. J. Lawes, S. Fly & S. E. Piper, (2005). Gamebird vulnerability to forest fragmentation: patch occupancy of the crested guineafowl (Guttera edouardi) in Afromontane forests.
- ↑ "argiefkopie". Geargiveer vanaf die oorspronklike op 5 Desember 2010. Besoek op 12 Maart 2021.
Bibliografie[wysig | wysig bron]
- Pooley, E. (1993). The Complete Field Guide to Trees of Natal, Zululand and Transkei. ISBN 0-620-17697-0ISBN 0-620-17697-0 .
- Tolley, K. en Burger, M. 2007. Chameleons of Southern Africa. ISBN 978-1-77007-375-3ISBN 978-1-77007-375-3.