Karuru-waterval

in Wikipedia, die vrye ensiklopedie
Jump to navigation Jump to search

Die Karuru-waterval is in die Aberdare-bergreeks in Kenia.

Ligging[wysig | wysig bron]

Hierdie waterval in die Chaniarivier is in die suide van die Aberdare Nasionale Park, suidwes van die dorp Nyeri en 172 km noord van Nairobi. Dit lê op 2971 m bo seespieël en net suid van die ewenaar by koördinate 0° 22′ 0″ suid en 36° 54 0″ oos.

Waterval[wysig | wysig bron]

Die waterval van 272 m hoog bestaan uit 3 valle van onderskeidelik 117 m, 26 m en 130 m. Dus is dit die hoogste waterval in Kenia. Aan die oorkant van dieselfde kloof is die Gura-waterval.

Toerisme[wysig | wysig bron]

Rondom die kloof is 'n woud met inheemse bome. Besoekers aan die afgeleë gebied kom ook na die omgewing om die welige plantegroei en dierelewe (veral voëls) te besigtig. Besoeke op die hoogtepunt van die reënseisoen word nie aangemoedig nie. Gewoonlik word besoekers deur ‘n gewapende gids vergesel. Hoogtevrees is vir sommige toeriste 'n uitdaging.

Bibliografie[wysig | wysig bron]

  • fortuneofafrica.com
  • goingplacesafrica.com
  • heregoeskenya.com
  • worldwaterfalldatabase.com
  • zakenya.com