Kategoriebespreking:Avontuurrolprente

in Wikipedia, die vrye ensiklopedie
Jump to navigation Jump to search

Benaming[wysig bron]

Per ons tradisie om meer Afrikaanse fonetiese spelwyses in die geval van wisselvorme te verkies, kan ons hierdie kategorie na Kategorie:Awontuurrolprente hernoem? Dit sal tans net een artikel wat in hierdie kategorie val, affekteer. Groete — Adriaan90 (Bespreking • Bydraes) 11:11, 9 Julie 2009 (UTC)[reply]

Ek ondersteun daardie beleid net sover dit sin maak. "Awontuur" is nie eers Afrikaans nie! Môre is dit "wolume" en "gaos"!Anrie (kontak) 12:17, 9 Julie 2009 (UTC)[reply]
Dit is wel nie in my HAT nie (dis die enigste Afrikaanse woordeboek wat ek het), maar vir my is die v nie heeltemal logies nie aangesien dit nie as 'n Afrikaanse v uitgespreek word nie. Môre is dit wel "wolume", "gaos" en selfs "Gristus", maar ek was onder die indruk dat hierdie 'n wisselvorm was. Ek mag my misgis het! Groete — Adriaan90 (Bespreking • Bydraes) 13:00, 9 Julie 2009 (UTC)[reply]
Dit kan ook wees dat die HAT bietjie buite voeling met die Afrikaanse omgangstaal kan wees. 'n Paar gevalle waar hierdie spelfout voorkom. Groete — Adriaan90 (Bespreking • Bydraes) 13:07, 9 Julie 2009 (UTC)[reply]
Inderdaad, ons moet dadelik 'n artikel oor "grod stowwe" en "reknaars" skep vir die mense wat "biekie" "friende" soek. Genugtig! Môre is dit die OED wat uit voeling met die Engelse taal is omdat 'n aantal kognitief beperkte mense nie die moeite kan doen om "a lot" en "definitely" korrek te spel nie. Anrie (kontak) 13:12, 9 Julie 2009 (UTC)[reply]
Om by te voeg: daar is natuurlik steeds dele van Suid-Afrika waar avontuur nié as "awontuur" uitgespreek word nie (dis hoekom 'n vroeër spelwyse van "awontuur" nooit posvat gekry het). Anrie (kontak) 13:15, 9 Julie 2009 (UTC)[reply]
Anrie, is jy sarkasties met my? Ek het nie bedoel om 'n bohaai te skep nie. Ek is glad nie van plan om blatante spelfoute soos "friende" en "grod stowwe" in die ensiklopedie in te korporeer nie. Ek was eerlikwaar onder die indruk dat "awontuur" 'n gebruiklik spelwyse is. Indien dit nie so is nie, is ek jammer, ek het 'n fout gemaak.
Engelse mense is in elk geval vry om in 'n mate te skryf soos hulle wil, aangesien hul taal nie met 'n ystervuis gereguleer word nie. Ek dink hierdie is 'n redelik Afrikaans-spesifieke saak. My aanvanklike bedoeling was om "awontuur" bo "avontuur" te verkies omdat ek 'n afleiding gemaak het gebaseer op 'n valse aanname. Ek het nie bedoel dat "Gristus" nou aanvaarde spelwyse moet word nie, en ek het ook nie geïmpliseer dat ons op die basis van algemene spelfoute artikels moet skryf nie. Jammer! Groete — Adriaan90 (Bespreking • Bydraes) 13:24, 9 Julie 2009 (UTC)[reply]
Sjoe! Ek is bly om te sien daar is sulke vurige Afrikaanssprekendes wat nog so sterk voel oor die taal. Ek stel wel voor ons volg maar die meerderheid vir tyd en wyl. D.w.s. kom ons kyk wat sê die drie groot Afrikaanse woordeboeke en neem die heersende meerderheid spelling vir enige woord. Dit mag met tyd verander natuurlik. Ek dink wel nie ons het genoeg spaar tyd om nog die woordeboek skrywers se werk ook vir hulle te doen nie. Dalk moet 'n opsomming oor die proses om te volg oor watter Afrikaanse spelling ons volg op die Gebruikersportaal geplaas word. Dis maar net my gedagtes. Arnobarnard (kontak) 17:34, 9 Julie 2009 (UTC)[reply]
Adriaan, ek het die voorbeelde ("grod stowwe") ens. bloot gebruik omdat hulle in die bladsye voorgekom het wat ook "awontuur" bevat en het regtig geglo jy is ten gunste van "Gristus" eerder as "Christus" is! Dis nou wat gebeur wanneer 'n gesprek nie gepaardgaan met tonasie, gesigsuitdrukkings en gebare nie. Geensins bedoel om lelik teen jou te wees nie, dus 'n jammer van my kant af ook. Arno, die titelriglyne (waarvan daar vanuit die Gebruikersportaal geskakel word, noem duidelik "Hou by Afrikaanse spelling soos voorgeskryf in die Afrikaanse woordelys en spelreëls. HAT, WAT en Pharos se Afrikaans-English/Engels-Afrikaanse woordeboeke word ook as gesaghebbend beskou". Anrie (kontak) 19:58, 9 Julie 2009 (UTC)[reply]

Oukei, goed, geen probleem. Ek het net effens aangeval gevoel. Maar ek verstaan nou beter. Groete — Adriaan90 (Bespreking • Bydraes) 21:36, 9 Julie 2009 (UTC)[reply]