Katsu Kaishū
Katsu Yasuyoshi (勝 安芳) (gebore Katsu Yoshikuni (勝 義邦); 12 Maart 1823 - 21 Januarie 1899, veral bekend onder sy bynaam Katsu Kaishū (勝 海舟)) was 'n Japannese staatsman, vlootingenieur en militêre bevelvoerder gedurende die laat Tokugawa-sjogunaat en vroeë Meiji-periode.
Kaishū was 'n bynaam wat hy geneem het van 'n stuk kalligrafie (Kaishū Shooku 海舟書屋) deur Sakuma Shōzan. Hy het deur sy lewe 'n reeks voorname gehad; sy kindernaam was Rintarō (麟太郎). Hy is dikwels Awa (安房) genoem van sy seremoniële titel Awa-no-kami (安房守) tydens die laat Tokugawa-sjogunaat en het later sy naam na Yasuyoshi verander na die Meiji-restourasie.
As 'n voorstander van modernisering en verwestering was Katsu 'n invloedryke figuur tydens die einde van die Tokugawa-sjogunaat (Bakumatsu) en die daaropvolgende Meiji-restourasie. Hy het uiteindelik die posisie van kommissaris (Gunkan-bugyō) in die Tokugawa-vloot beklee en was 'n hoofonderhandelaar van die bakufu. As 'n belangrike Tokugawa-bevelvoerder tydens die Boshin-oorlog, is hy veral bekend vir sy oorgawe van Edo aan die Keiserlike magte onder bevel van Saigō Takamori.
Bronne
[wysig | wysig bron]- Hillsborough, Romulus. Samurai Revolution: The Dawn of Modern Japan Through the Eyes of the Shogun's Last Samurai. Tuttle, 2013.
- Jansen, Marius B. (1961). Sakamoto Ryoma and the Meiji Restoration. Princeton: Princeton University Press. OCLC 413111
- Katsu, Kokichi; translated by Teruko Craig. Musui's Story: The Autobiography of a Tokugawa Samurai University of Arizona Press, 1988.
- Nussbaum, Louis-Frédéric and Käthe Roth. (2005). Japan encyclopedia. Cambridge: Harvard University Press. ISBN 978-0-674-01753-5; OCLC 58053128
Eksterne skakels
[wysig | wysig bron]
Wikimedia Commons het meer media in die kategorie Katsu Kaishū.
