Kedoes Harbe
Kedoes Harbe was negus (koning) van Ethiopië en ’n lid van die Zagwe-dinastie. Volgens die Ethiopiese historikus Taddesse Tamrat was hy die seun van Jan Sejoem, die broer van Tatadim.[1] Volgens sommige bronne het hy van 1079 tot 1119 regeer. Huntingford sluit hom nie in op sy lys konings van die Zagwe-dinastie nie.[2]
Bewind[wysig | wysig bron]
Volgens die akademikus Richard Pankhurst het Kedoes Harbe probeer om Egipte se houvas op die Ethiopiese Kerk te laat verslap deur die getal biskoppe in sy land tot sewe te vermeerder. Die kerkleier, Mikael I, het egter geweier en gesê dit kan net deur die patriarg van Alexandrië gedoen word. Die koning het toe briewe aan die patriarg en die Moslemse heerser van Egipte gestuur. Laasgenoemde was aanvanklik simpatiek teenoor die versoek, maar die kerkleier het gewaarsku dat hulle met soveel biskoppe hulle eie aartsbiskop kon aanstel en dan vryelik vyandelikheid teenoor hulle Moslemse bure kon ontwikkel. Toe die boodskappers met Kedoes Harbe se antwoord terugkeer, het ’n groot droogte en plaag glo die land getref.[3]
Verwysings[wysig | wysig bron]
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
