Kerkstraat 32, Tulbagh

in Wikipedia, die vrye ensiklopedie
Jump to navigation Jump to search
Kerkstraat 32, Tulbagh.

Kerkstraat 32 is ’n meer as twee eeue oue gebou in ’n Kaaps-Hollandse styl op Tulbagh, Wes-Kaap, Suid-Afrika.

Die gebou is in 1801 opgerig en is as die eerste vrye Engelse skool op Tulbagh gebruik van 1822 af. In 1866 het H.A. Fagan sr. dit gekoop. In 1885 het hy Kerkstraat 30, net langsaan, vir sy seun Henry Allan Fagan jr. gekoop. Vier jaar later is die latere politikus, skrywer, hoofregter en vertaler van Die Stem in Engels, Henry Fagan, bes moontlik in no. 30 gebore aangesien dit nog tot 1923 in sy ouers se besit was. Die Fagans het 'n winkel en wetsagentskap uit die twee aanliggende huise bedryf.

Terwyl no. 30 nog tot 1923 in die Fagans se besit was, het no. 32 van 1912 af aan rabbi S. Hurwitz behoort. Die kunstenaar Erik Laubscher is in 1927 in dié huis gebore.

Bronne[wysig | wysig bron]

  • (en) Richardson, Deirdré. 2001. Historic sites of South Africa. Cape Town: Struik.

Koördinate: 33°17′10″S 19°8′19″O / 33.28611°S 19.13861°O / -33.28611; 19.13861