Kiichi Miyazawa
Kiichi Miyazawa (宮澤 喜, 8 Oktober 1919 – 28 Junie 2007) was 'n Japannese politikus wat van 1991 tot 1993 as Eerste minister van Japan gedien het.
Miyazawa is in Tokio gebore, en het met 'n graad in regsgeleerdheid aan die Tokyo Imperial University gegradueer. In 1942 het hy by die Ministerie van Finansies van Japan aangesluit. Hy is die eerste keer in 1953 tot die Nasionale Kokkai verkies en het 'n aantal prominente poste beklee, waaronder minister van internasionale handel en nywerheid onder Eisaku Satō, minister van buitelandse sake onder Takeo Miki, direkteur van die Ekonomiese Beplanningsagentskap onder Takeo Foekoeda, hoofkabinetsekretaris onder Yasuhiro Nakasone, en minister van finansies onder Noboru Takeshita.
Miyazawa het in 1991 Eerste minister geword, maar is gedwing om te bedank na die 1993-verkiesing nadat 'n versuim om politieke hervormings deur te voer, veroorsaak het dat sy Liberaaldemokratiese Party sy eerste nederlaag in 'n nasionale verkiesing in die gesig gestaar het sedert die stigting daarvan in 1955. Miyazawa het later teruggekeer as minister van finansies van 1999 tot 2002 in die kabinette van Keizō Obuchi en Yoshirō Mori.
Eksterne skakels
[wysig | wysig bron]
Wikimedia Commons het meer media in die kategorie Kiichi Miyazawa.
