Kniediep

Kniediep is 'n 82 minuut lange Afrikaanse komedie wat in 1975 vrygestel is.^[1] Die film is deur Roy Sargeant en Joe Stewardson geregisseer met 'n draaiboek deur Emil Nofal, vervaardig deur Emil Nofal Filmproduksies/Monarch Films (Robert Lewis) en versprei deur NuMetro.^[1]

Sinopsis

Die privaat speurder Spek Poggenpoel roep sy taxibestuurder-vriend Boontjie se hulp in om 'n delikate saak op te los: die omruiling van 'n baie duur halssnoer vir 'n ander. Hierdie taak stuur die twee op 'n wilde gansjaagtog waartydens hulle die een uitrusting na die ander aantrek om 'n bont versameling agtervolgers, met 'n belang in die juwele, te uitoorlê. Hierdie groep sluit diewe, geheime polisie-agente en die halssnoer se wettige eienaars in. Spek en Boontjie word ook herhaaldelik gedwarsboom deur 'n kunsvaardige sjimpansee, Dolfie, wat veronderstel is om aan hul kant te wees, maar wat sy eie agenda het.^[1]

Rolverdeling

Die rolverdeling is Don Leonard, Al Debbo, Volenté Bertotti, Patrick Mynhardt, Sybil Coetzee, Mel Miller, Johan du Plooy, Joel Herholdt, Manie Botha, Tullio Moneta, Doreen Lamb, Sann de Lange, Raymond Matuson, Francois de Bruyn, Errol Ross, Terry Casey, Jannie Wienand, en Dolfie (die sjimpansee).^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]