Koala

in Wikipedia, die vrye ensiklopedie
Jump to navigation Jump to search

Koala
Koala climbing tree.jpg
Wetenskaplike klassifikasie edit
Domein: Eukaryota
Koninkryk: Animalia
Filum: Chordata
Klas: Mammalia
Infraklas: Marsupialia
Orde: Diprotodontia
Familie: Phascolarctidae
Genus: Phascolarctos
Spesie:
P. cinereus
Binomiale naam
Phascolarctos cinereus
(Goldfuss, 1817)
Koala Range.jpg
Koala verspreiding (rooi – inheems, pers – bekendgestel)
Sinonieme[2][3]
  • Lipurus cinereus Goldfuss, 1817
  • Marodactylus cinereus Goldfuss, 1820
  • Phascolarctos fuscus Desmarest, 1820
  • Phascolarctos flindersii Lesson, 1827
  • Phascolarctos koala J.E. Gray, 1827
  • Koala subiens Burnett, 1830

Die Koala of Koalabeer (Phascolarctos cinereus), is 'n boomagtige plantetende buideldier inheems aan Australië. Dit is die enigste bestaande verteenwoordiger van die familie Phascolarctidae en sy naaste lewende verwant is die wombats, wat lede van die familie Vombatidae is. Die koala word aangetref aan die kusgebiede van Queensland, Nieu-Suid-Wallis, Victoria en op Kangaro-eiland in Suid-Australië. Hulle is maklik herkenbaar aan hul stewige, stertlose lyf en groot kop met ronde, donserige ore en groot, lepelvormige neuse. Die koala het 'n liggaamslengte van 60–85 cm en weeg 4–15 kg. Die pelskleur wissel van silwergrys tot sjokoladebruin. Koalas van die noordelike bevolkings is tipies kleiner en ligter van kleur as hul eweknieë verder suid. Hierdie populasies is moontlik aparte subspesies, maar dit word betwis. Die dieet van 'n koala bestaan meestal ​​uit bloekomblare. Weens sy teddiebeeragtige voorkoms word hy dikwels verkeerdelik as 'n beer beskou.

Die woord "Koala" kom van Dharuk, 'n uitgestorwe inheemse Aboriginetaal wat in die omgewing van Sydney gepraat is. Dit sou iets beteken soos "drink nie", met verwysing na die feit dat die koala selde drink. Die koala, soos baie ander inheemse Australiese diere, speel 'n belangrike rol in die inheemse mite oor die oorsprong van die wêreld.[4][5][6][7][7][8]

Verwysings[wysig | wysig bron]

  1. Woinarski, J.; Burbidge, A.A. (2020). "Phascolarctos cinereus". IUCN Red List of Threatened Species. 2020: e.T16892A166496779. doi:10.2305/IUCN.UK.2020-1.RLTS.T16892A166496779.en. Besoek op 12 November 2021.
  2. Moyal, p. 45 Geargiveer 5 Mei 2016 op Wayback Machine.
  3. MSW3 Diprotodontia, id = 11000005, bl. 43
  4. Jackson, pp. 73–74.
  5. "Bigger and better 'Blinky Drinkers' to quench koalas' thirst this summer". NSW Environment & Heritage. Geargiveer vanaf die oorspronklike op 22 Julie 2019. Besoek op 22 Julie 2019.
  6. Dixon, R. M. W.; Moore, B.; Ramson, W. S.; Thomas, M. (2006). Australian Aboriginal Words in English: Their Origin and Meaning (2nd uitg.). Oxford University Press. p. 65. ISBN 978-0-19-554073-4.
  7. 7,0 7,1 Leitner, Gerhard; Sieloff, Inke (1998). "Aboriginal words and concepts in Australian English". World Englishes. 17 (2): 153–69. doi:10.1111/1467-971X.00089. Dixon et al. (1990) believe there to be some 400 loans in Mainstream Australian English [...] Some Aboriginal expressions have entered the stock of world English vocabulary; witness kangaroo, didgeridoo, koala, [...] Sometimes popular usage deviated markedly from scientific taxonomies, as in the case of the koala which became known as koala bear. [...] Both mallee and mallee scrub, koala and koala bear are common today.
  8. Kidd, D. A. (1973). Collins Latin Gem Dictionary. Collins. p. 53. ISBN 978-0-00-458641-0.