Kobie van Rensburg

in Wikipedia, die vrye ensiklopedie
Jump to navigation Jump to search
Kobie van Rensburg in Passau, 2009

Kobie van Rensburg (gebore op 23 Mei 1969 in Johannesburg) is 'n Suid-Afrikaanse tenoor en operadirekteur.

Lewe[wysig | wysig bron]

Van Rensburg het saam met Werner Nel sang studeer aan die Potchefstroomse Universiteit vir Christelike Hoër Onderwys,[1] asook regte en internasionale politiek.[2] Hy het sy buiging in 1991 op 20-jarige leeftyd gemaak in die rol van Belmonte in Mozart se Die Entführung aus dem Serail by die Roodepoort Opera (stadskouburg).[2] Hy het in 1996 by die Gärtnerplatztheater in München begin sing. Van Rensburg werk sedert 2000 gereeld saam met die Lautten Compagney, Berlyn (Die direkteur is Wolfgang Katschner). Hy het saam met die ensemble Monteverdi se L'Orfeo opgevoer en drie opnames daarvan gepubliseer. Van Rensburg werk sedert 2011 saam met 'n ander ensemble vir Antieke en Nuwe Musiek genaamd "così facciamo". Hy het saam met die ensemble Händel se Ariodante opgevoer.[3] Hy het ook in 2006 die titelrol gesing in Mozart se Idomeneo vir New York Stad se Metropolitan Opera. Van Rensburg se repertorium fokus hoofsaaklik op Barokmusiek.[2]

Hy het egter ook reeds naam gemaak met die interpretasie van ander liedere, met die fokus op hoofsaaklik Engelse barok-komponiste (Soos byvoorbeeld Dowland, Byrd, Purcell) sowel as Duitse komponiste soos ondermeer Beethoven, Schumann en Schubert.

Die operaverhoog[wysig | wysig bron]

Van Rensburg het in 2002 by die Münchense Gärtnerplatztheater die pasticcio Ein Theater nach der Mode saam met die librettis Peer Boysen opgevoer, saam met komposisies van Händel en ander Barok-komponiste. [1] In 2006 het hy in sy debuut as operadirekteur by die Opernhaus Halle opgetree, met L'Orfeo van Monteverdi- waarin hy ook die titelrol gesing het. Van Rensburg het in 2009 Händel se eerste oratorio getiteld Il Trionfo del Tempo e del Disinganno in Passau opgevoer. Sy nuutste werk as operadirekteur behels onder andere die opera Ariodante van Händel, wat in Februarie 2011 in die München Cuvilliés-Theatre opgevoer is. [4]Net soos in sy voormalige eie produksie getitel Il pianto d'Orfeo, [5] verbind van Rensburg die ekspressiwiteit van danswerk met die musiek van die komposisie. Die danser dien sodoende as 'n Alter ego vir die sanger, en illustreer daardeur die emosies van die karakter wat hy of sy verpersoonlik. [4][6]

Repertorium (rolle)[wysig | wysig bron]

  • Pane in La Calisto (Francesco Cavalli)
  • Acis in Acis en Galatea (Georg Friedrich Händel)
  • Grimoaldo in Rodelinda (Georg Friedrich Händel)
  • Jupiter in Semele (Georg Friedrich Händel)
  • Jupiter in La divisione del mondo (Giovanni Legrenzi)
  • Orfeo in L'Orfeo (Claudio Monteverdi)
  • Bastien in Bastien und Bastienne (Wolfgang Amadeus Mozart)
  • Don Ottavio in Don Giovanni (Wolfgang Amadeus Mozart)
  • Idomeneo in Idomeneo (Wolfgang Amadeus Mozart)
  • Tito in La Clemenza di Tito (Wolfgang Amadeus Mozart)
  • Tamino in Die Towerfluit (Wolfgang Amadeus Mozart)
  • Ubaldo in Armida (Gioachino Rossini)
  • Die Nagtegaal in Ein Theater nach der Mode (Kobie van Rensburg & Peer Boysen)

Diskografie[wysig | wysig bron]

CDs[wysig | wysig bron]

2009: Rodrigo (Händel, Eduardo Lopéz Banzo, Al Ayre Español)
2009: Bach Kantates – Vol.4 (Bach, John Eliot Gardiner, English Baroque Soloists)
2009: Alcina (Händel , Alan Curtis, Il Complesso Barocco)
2008: Saul (Händel), Messiah (Händel) (Georg Friedrich Händel, René Jacobs, Concerto Köln & Freiburger Barockorchester)
2007: Der Messias (Georg Friedrich Händel, Wolfgang Katschner, Lautten Compagney (Berlyn), Dresdner Kammerchor)
2006: Messiah (Georg Friedrich Händel, René Jacobs, Freiburger Barockorchester)
2006: Catone in Utica (Giovanni Battista Ferrandini, Christoph Hammer, Neue Hofkapelle München)
2006: Il pianto d'Orfeo (verskeie komponiste, Kobie van Rensburg, Lautten Compagney)
2005: Der Fliegende Holländer (Richard Wagner, Bruno Weil, Cappella Coloniensis)
2004: Le Nozze di Figaro (Wolfgang Amadeus Mozart, René Jacobs, Concerto Köln)
2003: Griselda (A. Scarlatti) (Alessandro Scarlatti, René Jacobs, Akademie für Alte Musik Berlin (Akademie vir Vroeë Musiek, Berlyn) )
2002: Madrigali Guerrieri ad Amorosi (Claudio Monteverdi, René Jacobs, Concerto Vocale)
2001: Liededition Vol.1 & 2 (Fanny Hensel, Kelvin Groot)
2001: Songs of An English Cavalier (verskeie komponiste, Kobie van Rensburg, Lautten Compagney)
2000: Handel's Beard, Airs vir Tenoor (Georg Friedrich Händel, Kobie van Rensburg, Lautten Compagney)

DVDs[wysig | wysig bron]

2008: Il ritorno d'Ulisse in patria, lewendig opgevoer by die Teatro Real, Madrid (Claudio Monteverdi, Pier Luigi Pizzi, Les Arts Florissants ensemble)
2005: L'Orfeo (Claudio Monteverdi, Kobie van Rensburg, Lautten Compagney, Berlyn)

Verwysings[wysig | wysig bron]

  1. 1,0 1,1 New Classical Adventure opgespoor op 12 Desember 2010 (in Duits)
  2. 2,0 2,1 2,2 Artist Management Augstein & Hahn opgespoor op 12 Desember 2010
  3. Webtuiste van "così facciamo" opgespoor op 16 Mei 2011 (in Duits).
  4. 4,0 4,1 ARD Mediathek opgespoor op 16 Mei 2011, BR Klassik Radio (in Duits).
  5. E-Paper of the Berliner Zeitung from 10.09.2007 opgespoor op 16 Mei 2011 (in Duits)
  6. TV Berlin Geargiveer 17 Maart 2012 op Wayback Machine opgespoor op 16 Mei 2011 (in Duits).

Eksterne skakels[wysig | wysig bron]