Kogelberg diastella
| Kogelberg diastella | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Diastella |
| Spesie: | D. t. subsp. thymelaeoides
|
| Binomiale naam | |
| Diastella thymelaeoides subsp. thymelaeoides (P.J.Bergius) Rourke
| |
| Sinonieme | |
Die Kogelberg diastella (Diastella thymelaeoides subsp. thymelaeoides) is 'n blomdraende struik wat tot die genus Diastella behoort en deel van die fynbos vorm. Die plant is endemies aan die Wes-Kaap en kom in die Hottentots-Hollandberge voor en noordelike Kogelberg rondom die Steenbrasdam. Die struik groei regop en word slegs 1.5 m hoog en blom regdeur die jaar met 'n hoogtepunt van Augustus tot November.
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van bye. Die plant groei op rotsagtige sandsteen hellings op hoogtes van 450 - 900 m.
In Engels staan dit as die Kogelberg Silkypuff bekend. Daar is nog 'n subspesie van die plant: Diastella thymelaeoides subsp. meridiana (Hangklip diastella).