Kom tot rus
 | Hierdie artikel is nie in enige kategorie geplaas nie. |
Kom tot rus is 'n 94 minuut lange Afrikaanse drama wat in 1977 vrygestel is.[1] Die film is deur Elmo de Witt geregisseer met 'n draaiboek deur Pieter Pieterse, gebaseer op sy oorspronklike radioverhaal Kom tot rus. Die rolprent is vervaardig deur Elmo de Witt Films en versprei deur Rand Films (Johan Schutte)/Ster-Kinekor.[1]
Sinopsis
[wysig | wysig bron]Hierdie is die verhaal van die Botha-gesin wat die stad se gejaagdheid verruil vir die rustigheid van die platteland. Vir Marius (Cornelis Esterhuyse) blyk die Bosveldplaas, Kom-tot-rus, alles te bied wat 'n moeë sakeman begeer. Sy blink Mercedes word onmiddellik vir 'n bakkie verruil. Marius, sy vrou Kareen (Isobel Pienaar), hul dogter Martie (Coreen Olivier), hul seun Boetie (Johan Fleischer) en sy hond Swartland, asook ouma Anna (Wena Naudé), trek almal van Kaapstad na die Bosveldplaas. Hier ontmoet hulle 'n reeks ander karakters: die skugter privaatspeurder, Kerneels Hattingh (Tobie Cronjé), wat na die Bosveld verplaas is om wilddiewe te vang; die slinkse Kleinjan Venter (Willie van Rensburg); die twee dierbare bejaardes, oom en tante Dawid (Gabriel Bayman, Anna Cloete); ou Barkhuizen (Don Leonard), die oujongkêrel op sy motorfiets; en die verleidelike Engelse weduwee, Banatyne (Erica Rodgers).[1]
Rolverdeling
[wysig | wysig bron]Die rolverdeling is Cornelis Esterhuyse (as Marius), Tobie Cronjé (as Hattingh), Don Leonard (as Oom Barkhuizen), Isobel Pienaar (as Kareen), Coreen Olivier (as Martie), Wena Naudé (as Ouma), Willie van Rensburg (as Kleinjan), Erica Rogers (as Mev. Banatyne), Gabriel Bayman, Anna Cloete, en Johan Fleischer.[1]
Verwysings
[wysig | wysig bron]- 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.