Konrad von Würzburg

in Wikipedia, die vrye ensiklopedie
Portret van Konrad von Würzburg van die Kodeks Manesse (folio 383r).

Konrad von Würzburg (gebore op c. 1225, Würzburg; sterf op 31 Augustus 1287, Basel, Switserland was ‘n Middelhoogduitse digter wat gedurende die verval van die era van ridderlikheid gepoog het om die ideale van die Hoflike bestaan te onderhou. Hy was van nederige afkoms, en het ‘n opeenvolging van beskermhere as professionele digter gedien. Hy het hom uiteindelik in Basel gevestig. Sy werke strek van liefdeslirieke en kort didaktiese gedigte (Sprüche) tot volskaalse epiese werke soos Partonopier und Meliur (Oor die Feetjie liefdestema) en Der Trojanerkrieg (Die Trojaanse Oorlog), welke ‘n relaas van die Trojaanse oorlog is.

Hy is op sy beste in sy korter gedigte, die sekulêre romanse Engelhart, Dasz Herzmaere (Die Hart se Getye), en Kaiser Otte mit dem Barte (Keiser Otto met die Baard), en die godsdienstige legendes Silvester, Alexius, en Pantaleon. Konrad se oorspronklikheid is een van vorm eerder as van inhoud. Hy het Gottfried von Strassburg, een van die meesters van die epiese Hoflike styl, as sy model geneem, en Gottfried se gestileerde tegnieke dikwels byna tot op die punt van oordrywing ontwikkel. In een van sy gedigte rym elke enkele lettergreep byvoorbeeld. Die ingewikkeldheid en eksplisiet-didaktiese karakter van sy poësie het aan hom die agting van sy tydgenote verleen.

‘n Eeu later het die opkomende generasie van artieste-digters wat as die Meistersingers bekend gestaan het vir Konrad as een van die “twaalf ou meesters” van middeleeuse poësie geëer en hulle daarop beroep dat hulle die geestelike opvolgers daarvan was.[1]

Werke[wysig | wysig bron]

  • Die goldene Schmiede
  • Der Welt Lohn
  • Silvester
  • Alexius
  • Partonopier und Meliur (beruhend auf dem altfranzösischen Roman Partonopeus de Haus Blois; Afrikaans: gebaseer op die ou Franse roman Partonopeus van Huis Blois)[2]
  • Engelhard (Roman) (nur in einem Druck von 1573 überliefert, davon vier Exemplare erhalten, Afrikaans: slegs in 'n druk van 1573 uitgegee, waarvan vier eksemplare bewaar is)
  • Pantaleon
  • Klage der Kunst
  • Konrad Axspitz[3]
  • Herzmäre
  • Trojanerkrieg (einmalige Kombination der Argonautensage mit der homerischen Sage vom Trojanischen Krieg, unvollendet; Afrikaans: eenmalige en unieke kombinasie van die Argonauts-sage met die Homeriese sage van die Trojaanse Oorlog, onvolledig )
  • Turnier von Nantes (früher als Turnier von Nantheiz, galt lange Zeit als erstes Beispiel für umfangreiche Wappendichtung, wird heute eher als politischer Lobpreis angesehen; Afrikaans: Vroeër as Nantheiz se Toernooi voltooi, wat lank reeds as die eerste voorbeeld van omvangryke Wappendichtung beskou word. Die werk word vandag as blote politieke lofprysing beskou.)
  • Heinrich von Kempten (früher als Otte mit dem Barte; Afrikaans: vroeër as Otte mit dem Barte)
  • Der Schwanritter
  • Die Halbe Birne (Autorenschaft Konrads umstritten; Afrikaans: Konrad se outeurskap hiervan is omstrede)

Verwysings[wysig | wysig bron]

  1. "Konrad von Würzburg." Encyclopædia Britannica. Encyclopædia Britannica Ultimate Reference Suite. Chicago: Encyclopædia Britannica, 2012.
  2. Horst Brunner: Konrad von Würzburg. In: Die deutsche Literatur des Mittelalters. Verfasserlexikon (VL). Herausgegeben von Kurt Ruh und anderen, 2. Auflage Berlin/ New York 1985, Band V, Sp. 272–304; hier: S. Sp. 295–297.
  3. Verlesen aus aspis, ein wurm geheizem. Vgl. Verfasserlexikon. Band I, Sp. 574 f.

Notas[wysig | wysig bron]

Hierdie artikel is in sy geheel of gedeeltelik vanuit die Duitse Wikipedia vertaal.