Konstriktorknoop

Konstriktorknoop

'n Konstriktorknoop ((en) : constrictor knot) is soortgelyk aan die wurgknoop (Engels: strangle knot), behalwe vir die twee punte van die tou/lyn wat by die bo- en onderkant van die knoop uitsteek, en nie by die sye soos by die wurgknoop nie.

Gebruike

Hierdie knoop is baie effektief om silindriese voorwerpe mee vas te maak. Dit is geskik vir take waar die punte naby die knoop afgesny moet word, sonder dat die knoop losgaan. Die knoop moet egter eers styf vasgetrek word voor die punte afgesny word.

Eienskappe

Dit is 'n baie veilige knoop, wat nie maklik losgaan nie, maar ook baie moeilik om los te maak. As hierdie knoop styfgetrek is, word gereedskap soos bv. 'n els benodig om dit los te maak, of soms moet dit selfs afgesny word om dit los te kry.

Verwante knope

Verwante knope sluit o.a. die volgende knope in:

• Wurgknoop
• Dubbele wurgknoop
• Boaknoop