Kontorniaat
'n Kontorniaat is 'n tipe antieke Romeinse medalje van brons wat in die vierde en vyfde eeue n.C. uitgereik is. Dit het 'n diep groef op die kontoer of rand, asof die voorwerp op 'n draaibank gedraai is. Bestaande kontorniate toon portrette van verskeie vroeëre keisers (veral Nero en Trajanus) en van kulturele figure soos Homeros, Solon, Euklidus, Pythagoras, Sokrates, Sallustius, Apollonius Tyaneus en Apuleius sowel as atlete wie se oorwinnings gesimboliseer word deur palmblare en strydwaens (bigae óf quadrigae). Die medaljes is nie as geldeenheid gebruik nie, maar is moontlik as nuwejaarsgeskenke uitgedeel[1] tydens openbare vertonings soos pantomime en strydwawedrenne.[2]
Die standaardkatalogus van hierdie medaljes is deur Andreas en Elisabeth Alföldi, Kontorniat-Medaillons (Berlyn, 1976), ISBN 3110034840).
Verwysings
[wysig | wysig bron]- ↑ Slater, Niall W. (2006). "A Lost Contorniate of Nero?" in Preliminary Program of the Eighty-Sixth Anniversary Meeting of CAMWS-SS..
- ↑ Phillip Grierson, "Contorniate," Oxford Dictionary of Byzantium.
Verdere leesstof
[wysig | wysig bron]- Mittag, Peter Franz (1999). Alte Köpfe in neuen Händen. Urheber und Funktion der Kontorniaten [Ou Koppe in nuwe Hande. Ontstaan en Funksie van die Kontorniate]. Antiquitas, reeks 3, volume 38. Bonn: Habelt, ISBN 3-7749-2885-1.
Eksterne skakels
[wysig | wysig bron]- Stefan Krmnicek (ed): Medaillons und Kontorniaten. Antike Sonderprägungen aus der Münzsammlung des Instituts für Klassische Archäologie der Universität Tübingen. In: Von Krösus bis zu König Wilhelm, Neue Serie. Band 1, 2016, 'n versamelaarskatalogus by die Universiteit van Tübingen (ten volle beskikbaar aanlyn as DDL) wat oor kontorniate handel.
