Kook en Geniet

in Wikipedia, die vrye ensiklopedie
Jump to navigation Jump to search
Kook en Geniet
OuteurS.J.A. (Ina) de Villiers
LandSuid-Afrika
TaalAfrikaans
UitgewerHuman & Rousseau
Uitgegee1951, 1961, 1992, 2009
Bladsye568
ISBN9780798149181
Letterkunde-portaal

Kook en Geniet is 'n Afrikaanse kookboek wat as 'n gesaghebbende bron van eg Suid-Afrikaanse disse beskou word. Die boek is oorspronklik deur S.J.A. (Ina) de Villiers in 1951 in haar private hoedanigheid uitgegee, nadat die Suid-Afrikaanse uitgewers nie geïnteresseerd was om dit te publiseer nie. Die Engelse vertaling staan bekend as Cook and Enjoy It en is in 1961 deur De Villiers uitgegee. Die onderwysdepartement het die boek voorgeskryf vir kookkuns.

Kook en Geniet is in 1961 deur die Central News Agency (CNA) gepubliseer, en vanaf 1972 en verder deur Human & Rousseau nadat CNA die publisering van boeke gestaak het.

In 1990 verkry Human & Rousseau die regte om die Afrikaanse weergawe te herproduseer en te bemark, wat 'n volledig hersiene uitgawe in 1992 met 'n nuwe voorkoms vir beide die Afrikaanse en Engelse weergawes oplewer. Die nuwe uitgawe poog om die karakter van die oorspronklike boek se meer as 700 resepte, en die basiese beginsels van kook te behou, maar baie resepte word aangepas vir die gebruik van moderne kombuistoerusting, soos mikrogolwe en voedselverwerkers.

Vir die 1992-hersiening is 'n paar resepte opnuut getoets en in 'n makliker om te volg styl herskryf. Hoewel 'n paar resepte geredigeer en vervang is, is gepoog om die oorspronklike karakter van Ina de Villiers se klassieke kookboek te behou.

In 2009 het Human & Rousseau 'n nuwe, bygewerkte en hersiene weergawe van die boek gepubliseer. Eunice van der Berg, die oorspronklike outeur se dogter, was in beheer van die proses om nuwe lewe in die boek te blaas. Hierdie uitgawe keer terug na 'n formaat wat meer in lyn met die oorspronklike uitgawe is, maar moderne tegnieke en benaderings word ook opgeneem. Onder die veranderinge was 'n afgekorte titel vir die Engelse uitgawe: Cook and Enjoy.

S.J.A de Villiers is op 20 September 2010 op die ouderdom van 91 oorlede. Sy word oorleef deur 2 dogters en ses kleinkinders.[1]

Daar is in 2005 geskat dat meer as 'n half miljoen Afrikaanse eksemplare verkoop is. Teen die tyd van die skrywer se dood, het verkope in beide tale meer as 'n miljoen oortref, wat dit die suksesvolste Suid-Afrikaanse kookboek ooit maak. Sedert die eerste uitgawe tot die outeur se dood was die boek nooit uit druk nie.[2]

Verwysings[wysig | wysig bron]

Sien ook[wysig | wysig bron]

Voorbeelde van resepte uit die boek:

Eksterne skakels[wysig | wysig bron]