Koolstofgetal

In organiese chemie is die koolstofgetal (C#) van 'n verbinding die aantal koolstofatome in elke molekule. Die eienskappe van koolwaterstowwe kan met die koolstofgetal gekorreleer word, hoewel die koolstofgetal alleen nie 'n aanduiding is van die versadiging van die organiese verbinding nie. As 'n spesifieke molekule beskryf word, is die koolstofgetal ook die orde van 'n spesifieke koolstofatoom in 'n ketting.

Die volgende is 'n lys van tipiese verbindings met hulle koolstofgetalleː

Verbinding	Koolstofgetal
CH4	1
C2H4	2
C2H6	2
C3H8-iso	3
C3H8-n	3
C3H6	3
CO	1
N2	0
Ar	0

Om die koolstofgetal vir gasmengsels te bereken, word die volgende formule gebruikː

$C\#=\sum C\#_{i}\cdot x_{i}$

Waar:

• $C\#$ = Koolstof getal vir gasmengsel
• $C\#_{i}$ = Koolstof getal vir verbinding
• $x_{i}$ = Molfraksie