Koraalskildneuskobra
| Koraalskildneuskobra | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Subfilum: | |
| Klas: | |
| Orde: | |
| Suborde: | |
| Familie: | |
| Genus: | |
| |
| verspreiding van A. lubricus verspreiding van A. scutatus | |
Die koraalskildneuskobra (Aspidelaps lubricus) is 'n slang wat in Suider-Afrika voorkom. In Engels staan die slang bekend as die Cape coral snake. Daar is twee subspesies, naamlik die koraalskildneuskobra (A. lubricus lubricus) en die Kuneneskildneuskobra (A. lubricus cowlesi).
Die slang kom weswaarts vanaf Somerset-Oos en Port Elizabeth tot by Kaapstad en noordwaarts tot in die suide van Namibië voor. Dit kom ook in die noorde van die Oos-Kaap en die suidweste van die Vrystaat voor.
Identifikasie[wysig | wysig bron]
Die slang se rugkant is oranjegeel tot koraalrooi met 20 tot 47 smal swart of donkerbruin dwarsbande wat soms die lyf en stert omkring. Die pens is geelwit met swart dwarsbande.
Die slang verkies klipbanke en klipperige droë, sanderige streke in dorre savanne, Karoostruikveld, fynbos en woestyn. Hulle vreet akkedisse, pootlose akkedisse wat meestal ondergronds leef asook klein slange en knaagdiere.
Gif[wysig | wysig bron]
Die gif is neurotoksies wat die asemhaling kan aantas. Byte is pynlik en veroorsaak 'n mate van swelsel. Daar is nie 'n teengif vir die slang se byt nie.
Sien ook[wysig | wysig bron]
Bron[wysig | wysig bron]
- Marais, Johan: Slange & slangbyt in Suider-Afrika. Struik Nature. 2014. ISBN 978 1 77584 024 4
Verwysings[wysig | wysig bron]
- ↑ "Aspidelaps lubricus (Laurenti, 1768)". The Reptile Database. Reptile Database. Besoek op 16 Februarie 2012.
- ↑ "Aspidelaps lubricus". ITIS Standard Report Page (in Engels). ITIS.gov. Geargiveer vanaf die oorspronklike op 31 Desember 2018. Besoek op 16 Februarie 2012.