Kousale gelaagde analise

in Wikipedia, die vrye ensiklopedie
Jump to navigation Jump to search

Kousale gelaagde analise (KGA) (Internasionaal bekend as Causal Layered Analysis, afgekort CLA) is 'n tegniek wat gebruik word in strategiese beplanning en in toekomsstudies om insig ten opsigte van die toekoms te skep.[1][2] Die tegniek is ontwikkel deur Sohail Inayatullah, 'n Pakistan-Australiese toekomsstudienavorser.[3] KGA is veral bruikbaar om nuwe visies van die toekoms te genereer siende dat dit sterk steun op beelde en metafore.

Teorie[wysig | wysig bron]

Grafiese voorstelling van Sohail Inayatullah se kousale gelaagde analise (KGA)

Kousale gelaagde analise is 'n tegniek wat gebruik maak van analise op vier verskillende vlakke gefokus op 'n onderwerp onder beskouing, in 'n poging om 'n geïntegreerde insig in veral moontlike toekoms beelde en tendense te verkry. Inayatullah identifiseer die vier vlakke as volg:

1. Die litanie-vlak wat insluit kwantitatiewe tendense, gewoonlik oorbeklemtoon vir politieke doeleindes. Hierdie vlak verwys na die uiters sigbare maar ook grootliks nie-krities beskoude data en opskrifte wat aandag trek. Die gevolg kan wees 'n gevoel van apatie, hulpeloosheid, of geprojekteerde aksie. Inayatullah noem dit "die konvensionele vlak van toekomsnavorsing wat geredelik politiek van vrees kan genereer."

2. Sosiale oorsake-vlak, insluitende ekonomiese, kulturele, politieke en historiese faktore wat die litanie vlak onderlê.

3. Strukturele en wêreldbeskouing-vlak wat struktuur in die samelewing ondersteun en legitimeer. Dit verwys na die verskillende maniere om kennis te bekom en die onderliggende strukture wat sodanige kennis ondersteun.

4. Metaforiese, mitiese en narratiewe-vlak. Hierdie bly sentraal ten opsigte van alle insigte, aksies en situasies onder beskouing.

Die uitdaging is om die navorsing te doen terwyl op en af tussen die verskillende lae (vlakke) beweeg word. KGA help om inklusief te wees ten opsigte van die verskillende maniere van kennis bekom.

Agtergrond van KGA[wysig | wysig bron]

Sohail Inayatullah

KGA word vir die eerste keer as 'n toekomsstudies tegniek voorgestel in Sohail Inayatullah se 1998 artikel in die toekomsstudies vaktydskrif Futures.[3] soewl as sy TEDx aanbieding[4] Later sou Inayatullah twee werke oor KGA en die toepassing daarvan saamstel naamlik die CLA Reader in 2004 en CLA 2.0 in 2015. Hierdie boeke bevat verskeie studies waarin KGA toegepas word in verskillende onderwerpe waaronder:

  • Die globale finansiële krisis
  • Terrorisme in die toekoms
  • Globale entiteit bestuur
  • Verouderende en veranderende werksmag
  • Onderwys en universiteit toekomste
  • Klimaatsverandering
  • Water in die toekoms van die Moslemwêreld
  • Alternatiewe toekoms van China
  • Landboubeleid in Australië
  • Die nuwe nasionale storielyn vir Singapoer

Verwysings[wysig | wysig bron]

  1. Inayatullah, Sohail (Januarie–Februarie 2014). “Causal Layered Analysis Defined”. The Futurist 48 (1). Besoek op Julie 2, 2014.
  2. "Causal Layered Analysis". Scenarios for Sustainability Recipes. Besoek op Julie 2, 2014.
  3. 3,0 3,1 Inayatullah, Sohail (Oktober 1998). “Causal layered analysis: Poststructuralism as method”. Futures 30 (8). doi:10.1016/S0016-3287(98)00086-X. Besoek op Julie 2, 2014.
  4. Inayatullah, Sohail (Mei 12, 2013). "Causal Layered Analysis: Sohail Inayatullah at TEDxNoosa". Besoek op Julie 2, 2014.

Bronne[wysig | wysig bron]

  • Inayatullah, S. & Milojević, I. (Eds.). 2015. CLA 2.0: Transformative Research in Theory and Practice. Tamkang: Tamkang University Press.
  • Inayatullah, Sohail (January–February 2014). "Causal Layered Analysis Defined". The Futurist. World Future Society. 48 (1).
  • Inayatullah, S. 2004. Causal Layered Analysis: Theory, Historical Context and Case Studies. In Inayatullah, S. (Ed.), The Causal Layered Analysis (CLA) Reader: Theory and Case Studies of an Integrative and Transformative Methodology. Tamkang: Tamkang University Press.
  • Voros, J. 2006. Introducing a Classification Framework for Prospective Methods. Foresight, 8 (2), 43 – 56.
Hierdie artikel is in sy geheel of gedeeltelik vanuit die Engelse Wikipedia vertaal.