Kragonderbreking van 2003 in Noordoos-Amerika

in Wikipedia, die vrye ensiklopedie
Jump to navigation Jump to search
'n Kaart wat state en provinsies in Noord-Amerika aandui wat kragonderbrekings ondervind het.
New York Stad tydens die kragonderbrekings.

Die Amerikaanse Noordooste se kragonderbreking van 2003 was 'n wydverspreide kragonderbreking wat plaasgevind het in dele van die Noordooste en Midweste van die Verenigde State en die Kanadese provinsie Ontario op Donderdag, 14 Augustus 2003, net na 16h10 (plaaslike tyd).[1]

Sekere gebiede se kragtoevoer is teen 23h00 herstel maar vele ander het eers twee dae later hul krag teruggekry. In meer afgeleë gebiede het dit byna 'n week geduur om krag te herstel.[2] Dit was op daardie tydstip die wêreld se tweede mees wydverspreide onderbreking in die geskiedenis, na die kragonderbreking van 1999 in Suidelike Brasilië.[3][4] Die onderbreking, wat veel erger was as die Amerikaanse Noordooste se kragonderbreking van 1965, het 'n geskatte 10 miljoen mense in Ontario en 45 miljoen mense in agt state van die VSA geraak.

Oorsaak[wysig | wysig bron]

Die primêre oorsaak van die onderbreking was 'n sagtewarefout in die alarmstelsel in 'n beheerkamer van die FirstEnergy Corporation, geleë in Ohio. Die gebrek aan alarm het operateurs onbewus gelaat van die behoefte om krag te herversprei nadat oorlaaide transmissielyne ongesnoeide bome getref het, wat 'n wedlooptoestand in die beheersagteware veroorsaak het. Wat 'n hanteerbare plaaslike onderbreking was, het toe ontaard in 'n massiewe wydverspreide noodtoestand op die elektriese netwerk.

Verloop van gebeure[wysig | wysig bron]

Die volgende is die volgorde van gebeure tydens die kragonderbreking op 14 Augustus 2003[5][6][7] (tyd in EDT):

  • 12:15 Foutiewe telemetriedata laat die staatsberamer ondiensbaar, 'n kragvloeimoniteringsinstrument wat deur die Indiana-gebaseerde Mid-westelike Onafhanklike Stelselbeheerder (MISO) bedryf word. 'n Operateur korrigeer die telemetrie-probleem maar vergeet om die moniteringsinstrument te herkoppel.
  • 13:31 Die Eastlake, Ohio aanleg staak. Die aanleg word besit deur FirstEnergy, 'n Akron, Ohio-gebaseerde maatskappy met 'n geskiedenis van uitgebreide onderhoudsprobleme.
  • 14:02 Die eerste van verskeie 345 kV oorhoofse transmissielyne in die noordooste van Ohio faal weens kontak met bome in Walton Hills, Ohio. (41°21'22" N 81°34'10" W)
  • 14:14 'n Alarmstelsel in FirstEnergy se beheerkamer faal, maar word nie herstel nie.
  • 15:05 'n 345 kV transmissielyn bekend as die Chamberlin-Hardinglyn sak neer in 'n boom in en skakel uit in Parma, suid van Cleveland.
  • 15:17 Spanning val tydelik oor die Ohio-gedeelte van die rooster. Operateurs neem egter geen aksie nie.
  • 15:32 Krag wat verskuif is deur die eerste faling op 'n ander 345 kV kraglyn, die Hanna-Juniper interkonneksie, veroorsaak dat die lyn in 'n boom neersak, wat dit ook uitskakel. Terwyl MISO en FirstEnergy se operateurs die falings probeer verhoed, versuim hulle om stelselbeheerders in nabygeleë state ook in te lig.
  • 15:39 'n FirstEnergy 138 kV lyn skakel uit in die noorde van Ohio.
  • 15:41 'n Stroombreker wat FirstEnergy se netwerk met dié van American Electric Power verbind, skop uit toe 'n 345 kV kraglyn (Star-Suid Canton interkonneksie) en vyftien 138 kV lyne in vinnige opeenvolging in die noorde van Ohio faal.
  • 15:46 'n Vyfde 345 kV lyn, die Tidd-Canton Central-lyn, skop uit.
  • 16:05:57 Die Sammis-Star 345 kV lyn skop uit weens onder- en oorstroom geïnterpreteer as 'n kortsluiting. Latere ontleding dui daarop dat die verduistering voor hierdie faling afgeweer kon word deur 1.5 GW se lading in die Cleveland-Akron gebied af te sny.
  • 16:06-16:08 'n Aanhoudende kragstuwing noordwaarts na Cleveland oorlaai drie 138 kV lyne.
  • 16:09:02 Spanning val skerp toe Ohio 2 GW se krag uit Michigan onttrek, die skep van gelyktydige onder-en oorstroom omstandighede weens krag se pogings, om op so 'n manier te vloei, om spanning in die stelsel te herbalanseer.
  • 16:10:34 Baie transmissielyne skakel uit, eers in Michigan en dan in Ohio, en sluit die oostelike vloei van krag af om die Suidkus van die Eriemeer van Toledo, Ohio, na die ooste deur Erie, Pennsilvanië, en die suide van Erie County, maar nie die meeste van Buffalo, New York, se metropolitaanse gebied nie. Skielik beroof van aanvraag, skakel opwekkingstasies af, en dit skep 'n reuse kragtekort. Binne sekondes, vorm kragstuwings vanuit die ooste, dit oorlaai die Ooskus se kragsentrales wat se kragopwekkers afgeskakel het as 'n beskermingsmaatreël, en die verduistering is op die kaarte.
  • 16:10:37 Die oostelike en westelike Michigan se kragnetwerke ontkoppel van mekaar. Twee 345 kV lyne in Michigan skop uit. 'n Kort rukkie later, staak 'n lyn ook wat van Bay City suid loop na Flint in Consumers Energy se stelsel bekend as die Hampton-Thetfordlyn.
  • 16:10:38 Cleveland skei af van die Pennsilvanië-netwerk.

Verwysings[wysig | wysig bron]

  1. "What Caused the Power Blackout To Spread So Widely and So Fast?". Genscape. 15 Augustus 2003. Besoek op 13 Julie 2011. 
  2. "Major power outage hits New York, other large cities". CNN. 14 Augustus 2003. Besoek op 16 September 2008. 
  3. "The great 2003 North America blackout". CBC. 14 Augustus 2003. Besoek op 19 September 2008. 
  4. "Timeline". INDEPTH: POWER OUTAGE. CBC News. 18 Augustus 2004. Besoek op 15 September 2008. 
  5. Lerner, Eric J. (November 2003). "What's wrong with the electricity grid?". The Industrial Physicist. American Institute of Physics. Besoek op 10 Junie 2009. 
  6. "Chapter 5: How and Why the Blackout Began in Ohio" (PDF). NERC Final Report. 
  7. CNN: A timeline of the 2003 blackout (16 Augustus 2003)