Krenneriet

in Wikipedia, die vrye ensiklopedie
Spring na: navigasie, soek
Krenneriet
Krennerite-118304.jpg  
Formule Au3AgTe8 
Onsuiwerhede Fe 
Nickel-Strunz (10) 2.EA.15  
Kleur silwerwit 
Glans metallies 
Hardheid 2 - 3 (Mohs) 
Digtheid 8.62 g/cm3 
Transparansie opaak 
Ruimtegroep Pma2 
Strukturbericht-kode C46 
Eenheidsel a=16.58,b=8.849,c=4.464 
Krennerite.svg
* Lys van minerale

Krenneriet is 'n mineraal met chemiese formule AgxAu1-xTe2 of Au3AgTe8 wat na die Hongaarse myner J.A. Krenner (1839-1920) genoem is. Dit is taamlik seldsaam, maar 'n gewilde goud- en silwererts.

Dit kom gewoonlik saam met calaveriet, gedeë goud, silvaniet, petziet, piriet en kwarts voor, dikwels in hidrotermale are saam met ander telluriede.[1]

In Suid-Afrika word krenneriet in die Waaikraal-goudafsetting naby Rustenburg in Noordwes gevind.[2]

Kristalstruktuur[wysig | wysig bron]

Die krennerietstruktuur is die argetipe van die strukturbericht-klassifikasie se C46-struktuur[3]

Dit is 'n taamlik ingewikkelde struktuur wat geskryf kan word as (Au2-xAgx)Au2[Te3][Te2]2[Te]; x≈0,8. Daar is drie verskillende metaalposisies. Een daarvan is net deur goud beset en word deur [4+2] telluuratome omring. Die ander twee word statisties deur Ag en Au beset. Die omringing is [2+2+2]. Dit weerspieël die voorkeur van Au en Ag om lae omringingsgetalle te hê. Die helfte van die telluuratome vorm Te2-ditelluriedpare soos dit ook in piriete aangetref word. Maar daar is ook 'n Te3-tritelluriedgroep en 'n Te-telluriedanioon. Die metaalatome vorm golwende lae ewewydig aan die b-as. Die lae word deur die mono-, di- en tritelluried-groepe aanmekaar verbind.[4]

Verwysings[wysig | wysig bron]

  1. Handboook of minealogy.
  2. mindat 2274.
  3. TYPIX Standardized Data and Crystal Chemical Characterization of Inorganic Structure Types, Springer Science & Business Media, Erwin Parthé, Louise Gelato, Bernard Chabot, Marinella Penzo, Karin Cenzual, Roman Gladyshevskii, 2013, ISBN 3-662-10641-8, ISBN 978-3-662-10641-9
  4. Crystal chemistry of natural tellurides II: Redetermination of the crystal structure of krennerite. F. Pertlik Tschermaks mineralogische und petrographische Mitteilungen, Desember 1984, 33(4), bls. 253–262.