Krugerhof
Krugerhof is die huis in Waterval Onder waarin pres. Paul Kruger van 30 Junie tot 28 Augustus 1900 gewoon het.
In Mei 1900 moes Kruger Pretoria verlaat weens die oprukkende Britse magte tydens die Tweede Vryheidsoorlog. Kruger woon daarna 'n paar weke in 'n treinwa by Machadodorp. Dit was daar egter te koud vir die bejaarde president en daarom het hy op 30 Junie na Krugerhof in Waterval Onder verhuis. Staatssekretaris F.W. Reitz, regeringslede en amptenare het elke dag per trein van Machadodorp na Waterval Onder heen en weer gery. Op 28 Augustus het Kruger die huis verlaat en in 'n treinwa op Nelspruit gaan woon totdat hy kort daarna via Lourenco Marques (Maputo) met die skip Gelderland na Europa vertrek het.
Krugerhof lyk nog baie soos in Kruger se jare. Dit huisves tans 'n klein museum ter ere van Kruger. Die gebou is in 1962 tot monument verklaar.
Lees ook[wysig | wysig bron]
- Krugerhuis in Pretoria
Bibliografie[wysig | wysig bron]
- Oberholster, J.J.: Die Historiese Monumente van Suid-Afrika. Kaapstad: Kultuurstigting Rembrandt van Rijn vir die Raad vir Nasionale Gedenkwaardighede, 1972. ISBN 0-620-00191-7
- www.artefacts.co.za
Koördinate: 25°38′49.03″S 30°23′3.81″O / 25.6469528°S 30.3843917°O