Kuilsrivier (rivier)

in Wikipedia, die vrye ensiklopedie
Jump to navigation Jump to search
Kuilsrivier
Oorsprong Durbanville, Kaapstad, Wes-Kaap (Suid-Afrika)
Stroomgebied Wes-Kaap (Suid-Afrika)

Die Kuilsrivier vloei in die noordelike voorstede van Kaapstad.

Hierdie rivier ontspring by Durbanville se sportterrein, loop langs Fairtreesweg en Eversdalweg na die N1-nasionale pad. Dan verder oos langs die Old Oakweg, Frans Conradie-rylaan, die Ou Paarlpad en dan langs die R300-verbypad na Kuilsrivier. Daarna nog verder langs die R300, kruis die Stellenbosch-pad (M12) en Hindleweg. Verder suidwaarts is die rivier se loop dikwels onduidelik. Dit kruis die N2-nasionale pad, draai wes en sny Spineweg (M32) in Khayelitsha en die Baden Powell-verbypad (die R310). Net noordwes van die kramat van sjeik Josef sluit die Kuilsrivier by die Eersterivier aan.

Die rivier loop deur of langs die historiese plase en huidige woonbuurte Sonstraal, Eversdal, Stellenberg, Old Oak, Stikland, De Kuylen (Kuilsrivier), Nooiensfontein, Vergenoegd (Faure) en Zandvliet (Macassar).

In die rivierbedding is 'n hele reeks kuile en ander dele is dikwels moerassig. Die rivier is vir 10 maande van die jaar 'n blote droë rivierloop. In normale jare bereik die water nie die sameloop met die Eersterivier nie, omdat die bestaande watergate eers opgevul moet word en die oorblywende water meesal in die sand van die Kaapse Vlakte naby Valsbaai verdwyn.

Bibliografie[wysig | wysig bron]