Kuranda Skyrail
Die Kuranda Skyrail is 'n gondel-kabelspoor wat bo-oor die Barron Gorge Nasionale Park loop. Dit begin by die voorstad Caravonica in Cairns, Australië, en loop tot by Kuranda. Die ontwikkeling van die kabelspoor was in omstredenheid gehul omdat baie inwoners geglo het dat die kabelspoor skade aan die wêrelderfenisreënwoud kon aanrig.[1]
Na sewe jaar se beplanning is die kabelspoor goedgekeur en na 'n konstruksieperiode van 14 maande is die kabelspoor in Augustus1995 vir die publiek oopgestel.
Die kabelspoor bied pakkette aan waar besoekers vanaf Kuranda kan terugkeer, of ook die Tjapukai Aborigine en Kultuurpark kan besoek wat net langs die Caravonica-stasie geleë is.
Verwysings[wysig | wysig bron]
- ↑ "Go-ahead for Kuranda Skyrail". Geargiveer vanaf die oorspronklike op 20 September 2006. Besoek op 15 Junie 2008.
Eksterne skakels[wysig | wysig bron]
 |
Wikimedia Commons bevat media in verband met Kuranda Skyrail. |