Kyalami-kasteel

in Wikipedia, die vrye ensiklopedie
(Aangestuur vanaf Kyalami Kasteel)
Jump to navigation Jump to search
Die Kyalami-kasteel is onder meer van 'n ouditorium, restaurante, 'n video- en klankateljee en gastevverblyf. Die Kerk verwys na Afrikaans en Swahili as die belangrikste Afrikatale waarin sy religieuse werke vertaal is en in 'n boekwinkel beskikbaar gestel word aan die publiek. As 'n huldeblyk aan die Kerk van Sciëntologie se stigter, L. Ron Hubbard, is 'n kantoor ingerig soos hy dit vroeër gebruik het (sien amptelike skyfievertoning)

Die Kyalami-kasteel is 'n kasteel naby Kyalami, noord van Johannesburg, Gauteng, Suid-Afrika. Vroeër was die kasteel 'n toeriste-aantreklikheid en hotel, maar sedert Maart 2008 behoort die kasteel aan die Kerk van Sciëntologie.[1] Op Nuwejaarsdag 2019 is die gebou plegtig ingewy as die Kerk van Sciëntologie se nuwe hoofkwartier vir Afrika.[2] Volgens die Kerk sal alle aktiwiteite op die vasteland van Afrika van hier bestuur word. 'n Moderne ateljee sal Afrikagemeentes van die Kerk van oudiovisuele materiaal in 'n verskeidenheid tale voorsien.

Die Griekse miljoenêr en argitek Demos Dinopoulos het die kasteel in 1992 laat bou. Dit is in die noordelike Johannesburgse voorstad Kyalami geleë, op 'n 8,9 ha hoewe.[3] Die 5900 m2 kasteel is in die Arthurstyl gebou, en bevat 'n spa, 24 suites, 'n luukse hotel, 'n restaurant, 'n konferensiesentrum en het sy eie helikopterblad.[1][4][5]

Dinopoulos het oorspronklik beplan om met die kasteel voorsiening te maak vir sy uitgebreide gesin, sodat wanneer sy twee dogters en seun eendag trou, hulle met hul gesinne in die kasteel kon woon. Dinopoulos het die kasteel vir nege jaar bewoon, maar daarna is dit op 'n veiling verkoop. Dit is deur Planet Hotels aangeskaf en in 2001 as 'n 4-ster hotel geopen.[6] Teen Julie 2006 was die kasteel die vlagskip van Planet Hotels.[7]

Die oorspronklike kasteel bestaan uit die hoofhuis, drie selfsorgwoonstelle, motorhuise, 'n seiljagwerkswinkel en perdestalle wat oor 'n paar hektar strek. Die hoofhuis is nou omskep in 11 en-suite kamers, en die selfsorgwoonstelle bestaan nou uit 13 en-suite kamers.

Kamer 11 is oorspronklik spesiaal vir Dinopoulos se seun gebou, met 'n privaatingang asook 'n wenteltrap na die kombuis, want in die woorde van sy vader, "word seuns snags honger". Die hotel se restaurant, The Bastion, was oorspronklik 'n gesonke sitkamer met 'n volgrootte biljarttafel. Die sitkamer is gesloop en die restaurant het 120 sitplekke. Die oorspronklike onthaalvertrek van die Dinopoulos-familie is omskep in 'n wynkelder vir die hotel. Die oorspronklike sauna en jacuzzi is behou, asook 'n swembad en kleitennisbaan. Die 22-perdestal is omskep in 'n 500-sitplek konferensiesentrum, met 'n kombuis daarby. Die oorspronklike motorhuis en seiljagwerkswinkel is omskep in die Bailey konferensiefasiliteit.

Dinopoulos kon egter die bouwerk aan sy seiljag in die werkswinkel voltooi, en het destyds na die suide van Spanje geseil, waar hy nog steeds woon, omrede sy kinders groot geword en die huis verlaat het.

Verwysings[wysig | wysig bron]

  1. 1,0 1,1 (en) Gerardy, Justine (15 Maart 2008). "Scientologists buy Kyalami Castle". The Saturday Star. Suid-Afrika. p. 2. 
  2. scientology.org: Winds of Change: Scientology Headquarter for Africa Springs to Life at Majestic Castle Kyalami. Besoek op 3 Julie 2019
  3. (en) Staff (16 Maart 2007). "South Africa: Get Away From It All". AllAfrica. AllAfrica.com. Besoek op 2008-04-08. 
  4. (en) Fitzpatrick, Mary; Becca Blond; Gemma Pitcher; Simon Richmond; Matt Warren (15 November 2004). Lonely Planet: South Africa, Lesotho and Swaziland. Lonely Planet Publications. p. 386. ISBN 1-74104-162-7. 
  5. (en) Shah, Neel (25 Maart 2008). "Scientology Sets Sights on African Expansion". Radar Online. Radar (tydskrif). Geargiveer vanaf die oorspronklike op 2008-03-28. Besoek op 2008-04-08. 
  6. (en) Staff (25 Oktober 2007). "A celebrity chef for every culinary fancy". The Star. p. 17. 
  7. (en) Staff (14 Julie 2006). "Exploitation dressed up as entrepreneurship". The Star. p. 2. 

Koördinate: 25°59′53″S 28°3′34″O / 25.99806°S 28.05944°O / -25.99806; 28.05944