Kylian Mbappé
.jpg) Mbappé in 2022 | |||
| Persoonlike inligting | |||
|---|---|---|---|
| Geboortedatum | 20 Desember 1998 | ||
| Geboorteplek | Paris, Frankryk | ||
| Lengte | 1,78 m[1] | ||
| Speelposisie | Voorspeler, doelskieter | ||
| Klubinligting | |||
| Huidige klub | Real Madrid | ||
| Nommer | 9 | ||
| Jeugloopbaan | |||
| 2004–2013 | AS Bondy | ||
| 2013–2015 | Monaco | ||
| Seniorloopbaan* | |||
| Jare | Span | Kere† | (Doele)† |
| 2015–2016 | Monaco II | 12 | (4) |
| 2015–2018 | Monaco | 41 | (16) |
| 2017–2018 | → Paris Saint-Germain (lening) | 27 | (13) |
| 2018–2024 | Paris Saint-Germain | 178 | (162) |
| 2024– | Real Madrid | 56 | (54) |
| Nasionale span‡ | |||
| 2014 | Frankryk o/17 | 2 | (0) |
| 2016 | Frankryk o/19 | 11 | (7) |
| 2017– | Frankryk | 94 | (55) |
| * Kere vir seniorklub uitgedraf en doele is net vir die plaaslike liga. en korrek soos op 8 Februarie 2026. † Kere uitgedraf (Doele). | |||
Kylian Mbappé Lottin (gebore 20 Desember 1998) is 'n Franse professionele sokkerspeler wat as 'n aanvallende middelveldspeler of 'n linker- of regtervleuelspeler speel vir Real Madrid en die Franse nasionale span. Hy word wyd beskou as een van die beste sokkerspelers ter wêreld.
Mbappé het sy professionele loopbaan in 2015 by AS Monaco begin, waar hy spoedig gevorder het om 'n sleutelspeler in die span te word wat die Ligue 1-titel in 2017 gewen het. In daardie jaar het hy ook die Golden Boy-toekenning gewen as die beste jong speler in Europa.
In 2017 het Mbappé na Paris Saint-Germain verskuif, aanvanklik op 'n seisoenlange lening, wat permanent gemaak is in 2018. Met PSG het hy vier Ligue 1-titels, drie Coupe de France-titels en twee Coupe de la Ligue-titels gewen.
In 2024, ná verskeie jare van spekulasie, het Mbappé hom op ’n gratis oordrag by Real Madrid aangesluit. In die eerste helfte van sy debuutseisoen het hy die UEFA Superbeker en die Interkontinentale Beker gewen en in albei eindstryde 'n doel aangeteken. Hy het ook die rekord gebreek vir die meeste doele wat deur ’n Real Madrid-speler in ’n debuutseisoen aangeteken is.
Op internasionale vlak verteenwoordig Mbappé Frankryk op jeug- en senior vlak. Hy was deel van die Franse span wat die 2018 FIFA Wêreldbeker gewen het, en het die jongste speler geword wat 'n doel in 'n Wêreldbeker-eindstryd aangeteken het. Hy het ook Frankryk by die 2022 FIFA Wêreldbeker verteenwoordig, waar hy die Goue Skoen gewen het as die toernooi se topdoelskieter met agt doele (insluitend drie teen Argentinië in die eindstryd).
Sy vader, Wilfrid Mbappé, is ’n sokkerafrigter en is oorspronklik afkomstig van die Kameroense eiland Djébalè.[2] Sy moeder en agent, Fayza Lamari, is van Algerynse en Berberse oorsprong en is ’n voormalige handbalspeler.[3][4][5] Hy het ’n jonger broer, Ethan, wat vir Lille speel.[3][6]
Mbappé is in 2023 aangewys as een van Time se 100 invloedrykste mense in die wêreld, en is deur Forbes gelys as een van die wêreld se tien bes betaalde sportlui in 2023 en 2024.
Verwysings
[wysig | wysig bron]- ↑ "Mbappé". Real Madrid CF. Besoek op 19 Augustus 2024.
- ↑ "Cameroun: le footballeur Kylian Mbappé renoue avec ses racines à Djébalè" (in Frans). Radio France Internationale. 8 Julie 2023. Geargiveer vanaf die oorspronklike op 23 Januarie 2024. Besoek op 23 Januarie 2024.
- 1 2 Gouaillard, Frédéric; Detout, Arnaud; Sévérac, Dominique; Perrin, Laurent (6 Oktober 2021). "Sa famille, l'avenir de son fils, l'argent : les confessions de Fayza Lamari, mère de Kylian Mbappé. [Her family, the future of her son, the money: the confessions of Fayza Lamari, mother of Kylian Mbappé.] "When Kylian wants something, he will do it. It's his Kabyle side standing out"". Le Parisien. Geargiveer vanaf die oorspronklike op 14 Desember 2022. Besoek op 14 Desember 2022.
- ↑ Kay, Oliver (20 Junie 2023). "Kylian Mbappe's mother and the rise of one of football's toughest dealmakers". The Athletic. Geargiveer vanaf die oorspronklike op 31 Augustus 2023. Besoek op 31 Augustus 2023.
- ↑ Kindzeka, Moki Edwin. "Cameroon Football Fans Cheer for French Player with Ties to Africa". Voice of America. Geargiveer vanaf die oorspronklike op 16 Julie 2018. Besoek op 16 Julie 2018.
- ↑ "Coupe de la Ligue: Un joueur avec des origines Algériennes marque un triplé" [Coupe de la Ligue: A player with Algerian origins scores a hat-trick]. Dzballon.com. 15 Desember 2016. Geargiveer vanaf die oorspronklike op 29 Maart 2017. Besoek op 29 Maart 2017.
