LINEAR
Die Lincoln Near-Earth Asteroid Research- (LINEAR)-projek is 'n samewerking van die Amerikaanse lugmag, Nasa en die Massachusetts-tegnologie-instituut se Lincoln-laboratorium vir die stelselmatige opsporing van nabyaardevoorwerpe. LINEAR was verantwoordelik vir die ontdekking van die meeste asteroïede van 1998 af, totdat dit in 2005 deur die Catalina-lugopname verbygesteek is.[1] Teen 15 September 2011 het die projek 231 082 nuwe klein Sonnestelselliggame ontdek, waarvan minstens 2 423 nabyaarde-asteroïede en 279 komete is.[2] Die instrumente wat deur LINEAR gebruik word, is in Nieu-Mexiko geleë.
Geskiedenis
[wysig | wysig bron]In die laat 1970's is die Lincoln-laboratorium se eksperimentele toetsterrein in Nieu-Mexiko gebou.[3][4] Laeligvideokameras is gebruik.[5] In 1994 is voorgestel dat geoutomatiseerde opsporings van asteroïede met nuwe tegnologie hier gedoen word.[6] Die LINEAR-projek het in 1996 begin met die ontdekking van nabyaardevoorwerpe met behulp van 'n teleskoop met 'n 10-duim-lensopening.
Die eerste LINEAR-teleskoop was in Maart 1998 ten volle werksaam.[7] Van Oktober 1999 af is 'n tweede 1 m-teleskoop bygevoeg.[8] In 2002 is 'n 0,5 m-teleskoop bygevoeg om opvolgwaarnemings te doen van ontdekkings deur die twee soekteleskope.[9] Daarmee is sowat 20% meer van die lug elke nag deursoek. Data van die teleskope word na 'n gerief van die Lincoln-laboratorium in Massachusetts gestuur vir prosessering. Inligting oor die opsporings word daarna na die Kleinplaneetsentrum gestuur.[2]
Ontdekkings
[wysig | wysig bron]Benewens die ontdekking van meer as 140 000 kleinplanete, het LINEAR ook erkenning gekry vir die ontdekking, mede-ontdekking en herontdekking van verskeie periodieke komete, insluitend 11P/Tempel–Swift–LINEAR, 158P/Kowal-LINEAR, 160P/LINEAR (LINEAR 43), 165P/LINEAR (LINEAR 10) en 176P/LINEAR (LINEAR 52, 118401 LINEAR: een van net vyf voorwerpe wat as beide asteroïede en komete geklassifiseer is). Een van LINEAR se ontdekkings, (231937) 2001 FO32, het op 21 Maart 2021 naby die Aarde verbybeweeg.[10]
Verwysings
[wysig | wysig bron]- ↑ "NEO Discovery Statistics". NASA Near Earth Object Program. Geargiveer vanaf die oorspronklike op 13 Mei 2004. Besoek op 19 Januarie 2012.
- 1 2 "MIT Lincoln Laboratory: LINEAR". MIT Lincoln Laboratory. Geargiveer vanaf die oorspronklike op 24 Julie 2017. Besoek op 19 Januarie 2012.
- ↑ Beatty, D. E.; Sorvari, J. M.; Taff, L. G. (1980). "Artificial satellites, minor planets, and the ETS". NASA Sti/Recon Technical Report N. 81: 12143. Bibcode:1980STIN...8112143B.
- ↑ "LINEAR – Experimental Test Site". Lincoln Laboratory, MIT. Geargiveer vanaf die oorspronklike op 26 Junie 2017. Besoek op 3 November 2016.
- ↑ Taff, L. G. (1981). "A new asteroid observation and search technique". Publications of the Astronomical Society of the Pacific. 93: 658. Bibcode:1981PASP...93..658T. doi:10.1086/130905.
- ↑ Tennyson, Peter D.; Rork, Eugene W.; Kostishack, Daniel F. (1994). "Applying electro-optical space surveillance technology to the detection of near-Earth asteroids". Proceedings of SPIE. Instrumentation in Astronomy VIII. 2198: 1286. Bibcode:1994SPIE.2198.1286T. doi:10.1117/12.176813. S2CID 129557577.
- ↑ Stokes, G. H.; Viggh, H. E. M.; Shelly, F. L.; Blythe, M. S.; Stuart, J. S. (1998). "Results from the Lincoln Near Earth Asteroid Research (LINEAR) Project". American Astronomical Society. 30: 1042. Bibcode:1998DPS....30.1607S.
- ↑ Elowitz, R. M.; Stokes, G. H.; Bezpalko, M.; Blythe, M. S.; Evans, J. B.; Pearce, E. C.; Sayer, R. W.; Shelly, F. C.; Viggh, H. E. M. (1999). "A Progress Report on the Lincoln Near Earth Asteroid Research Project". American Astronomical Society. 195: 1531. Bibcode:1999AAS...19510801E.
- ↑ Stokes, G. H.; Evans, J. B.; Shelly, F. C. (2002). "LINEAR Search and Operations Experience". American Astronomical Society. 201: 1315. Bibcode:2002AAS...20113003S.
- ↑ February 2021, Patrick Pester-Staff Writer 22 (22 Februarie 2021). "Asteroid the size of the Golden Gate Bridge will whiz past Earth in March". Space.com (in Engels). Besoek op 2 Maart 2021.
{{cite web}}: CS1 maint: numeric names: authors list (link)
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
