La Silla-sterrewag
La Silla-sterrewag bestaan uit drie teleskope in Chili wat deur die Europese Suidelike Sterrewag (ESO) gebou is en bestuur word. Verskeie ander teleskope staan ook op die terrein en word gedeeltelik deur die ESO onderhou. Die TRAPPIST-teleskoop val nie onder die ESO nie. La Silla is een van die grootste sterrewagte in die Suidelike Halfrond en die eerste een in Chili wat deur die ESO gebruik is.[1]
Beskrywing
[wysig | wysig bron]La Silla se teleskope en instrumente is 150 km noordoos van La Serena, aan die buitewyke van die Atacamawoestyn, een van die droogste en mees verafgeleë gebiede op aarde. Nes die ander teleskope in die streek is La Silla ver van enige bronne van ligbesoedeling en staan dit, nes die Baie Groot Teleskoop, op een van die donkerste plekke in die wêreld. La Silla beteken "perdesaal" in Spaans. Dit is so genoem na aanleiding van sy vorm.
Die grootste teleskoop, van 3,6 m, is teen 1976 in werking gestel.[2] In 1984 is die 2,2 m-teleskoop in werking gestel en in Maart 1989 die New Technology Telescope (NTT) van 3,5 m.[2] Die program het in 1987 sy hoogtepunt bereik met die installering van die Swedish ESO Submillimetre Telescope (SEST), die enigste van sy soort in die Suidelike Halfrond.
Verwysings
[wysig | wysig bron]- ↑ Adriaan Blaauw (1991). ESO's Early History. ESO.
- 1 2 Lodewijk Woltjer (2006). Europe's Quest for the Universe. EDP Sciences. p. 27. ISBN 9782868838131.
Skakels
[wysig | wysig bron]
Wikimedia Commons het meer media in die kategorie La Silla-sterrewag.
Hierdie artikel is in sy geheel of gedeeltelik uit die Engelse Wikipedia vertaal.
