Clanwilliam-sandvis
| Clanwilliam-sandvis | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | (Cuvier, 1817)
|
| Spesie: | L. seeberi
|
| Binomiale naam | |
| Labeo seeberi (Gilchrist & Thompson, 1911)
| |
Die Clanwilliam-sandvis (Labeo seeberi) is 'n varswatervis wat voorkom in die Olifantsrivier-stelsel. In Engels staan die vis bekend as die Clanwilliam sandfish.
Voorkoms[wysig | wysig bron]
Die vis het 'n lang, slanke lyf en is bedek met klein skubbe. Daar is een paar baarde om die mond. Die vis is olyf-grys met 'n goudkleurige skynsel en wit aan die onderkant. Die vis word tot 355 mm lank en die Suid-Afrikaanse hengelrekord is 0.269 kg.
Habitat[wysig | wysig bron]
Die vis leef in die hoofstroom en groter sytakke; hulle verkies diep poele en diep gedeeltes van die rivier. Hulle voed op alge, detritus en klein ongewerweldes wat van rotse af gevreet word. Die vis word maklik waargeneem in die Olifantsrivier. Gedurende die lente en somer migreer hulle stroomop in skole om te broei.
Bewaringstatus[wysig | wysig bron]
Die spesie is krities bedreigd en die bevolking het afgeneem weens damme wat die migrasietog tydens broeityd erg belemmer, watervloei wat verminder het en die impak van uitheemse spesies wat by Clanwilliam losgelaat is.
Sien ook[wysig | wysig bron]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron[wysig | wysig bron]
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1