Ladislav Slovák

in Wikipedia, die vrye ensiklopedie
Jump to navigation Jump to search

Ladislav Slovák (10 September 1919 Veľké Leváre – 22 Julie 1999, Bratislava) was 'n Slowaakse dirigent.

Slovák was vir lank die dirigent van die Slowaakse Filharmoniese Orkes gewees. Hy het die pos oorgeneem van sy onderwyser en mentor, Václav Talich. Onder sy belangrikste opnames tel die volledige versameling van Dmitri Sjostakowitsj se vyftien simfonieë saam met die Slowaakse Radio-simfonieorkes wat deur Naxos opgeneem en uitgereik is. Hy het in Leningrad onder die groot Russiese meester en dirigent Jefgeni Mrawinski studeer, en het aldaar met Sjostakowitsj kennis gemaak terwyl hy deelgeneem het aan repetisies van die komponis se musiek in sy teenwoordigheid deur Mrawinski. Hy het van 1990 tot 1995 ook die volledige twaalf simfonieë van Alexander Moyzes vir die Marco Polo plate-etiket van Naxos opgeneem. Hierdie opnames was tussen 2018 en 2019 weer vrygestel op die Naxos etiket.[1]Sy dogter, Kamila Magálová, née Slováková, is een van Slowakye se bekendste teateraktrises en 'n lid van die Slowaakse Nasionale Teater.

Verwysings[wysig | wysig bron]

Eksterne skakels[wysig | wysig bron]