Gaan na inhoud

Lady Louise Mountbatten-Windsor

in Wikipedia, die vrye ensiklopedie
Lady Louise Mountbatten-Windsor
Lady Louise in 2017.
Lady Louise in 2017.
Geboortenaam Louise Alice Elizabeth Mary Mountbatten-Windsor
Gebore 08 November 2003 (2003-11-08) (22 jaar oud)
Vader Prins Edward, Hertog van Edinburg
Moeder Sophie Rhys-Jones
Familie Huis van Windsor

Lady Louise Alice Elizabeth Mary Mountbatten-Windsor (gebore 8 November 2003) is lid van die Britse koninklike familie. Sy is die oudste kind en enigste dogter van prins Edward, Hertog van Edinburg, en Sophie Rhys-Jones. Sy is gebore tydens die bewind van haar ouma aan vaderskant, koningin Elizabeth II, toe sy 8ste op die lys van Britse troonopvolgers was. Sy is nou 17de, ná haar broer, James, Graaf van Wessex.

Amptelike optredes

[wysig | wysig bron]
Lady Louise ry in Junie 2013 in 'n koets op die Britse Vaandelparade.

In 2011, op sewejarige ouderdom, was Louise 'n blommemeisie op die troue van William, Prins van Wallis, en Catherine Middleton.[1]

In Augustus 2018 het Louise en haar ma, Sophie, Hertogin van Edinburg, die eindstryd van die vrouehokkiewêreldbeker in Londen bygewoon. Die hertogin is die beskermpersoon van Engeland-hokkie.[2] Om Louise se 15de verjaarsdag in November 2018 te vier het ma en dogter 'n kameeverskyning op Strictly Come Dancing gemaak; hulle het uit die gehoor na die gewilde BBC-televisieprogram gekyk.[3] In Desember 2018 het hulle die internasionale perdevertoning in Olympia, Londen, bygewoon.[4]

In September 2020 het sy en haar gesin deelgeneem aan die Great British Beach Clean op die Southsea-strand in Hampshire.[5][6]

Louise in 2023 by die kroning van Charles III en Camilla.

Ná die dood en begrafnis van haar oupa het Louise haar ouers op 11 April 2021 vergesel na die kerkdiens in die Royal Chapel of All Saints.[7] Sy het ook die begrafnis op 17 April 2021 bygewoon.[8] In Maart 2022 het Louise die gedenkdiens vir prins Philip bygewoon.

Sy het in Junie 2022 die Vaandelparade bygewoon, waar sy ook saam met haar familie op die balkon verskyn het, asook die Platinum Jubilee National Service of Thanksgiving[9][10] en die Platinum Party at the Palace.[11]

Ná die dood van haar ouma, koningin Elizabeth II, het sy, haar broer, James, Graaf van Wessex, en ses neefs en niggies op 8 September 2022 'n nagwaak om die koningin se kis in Westminster Hall gehou.[12] Op 19 September het sy die begrafnis saam met haar gesin bygewoon.[13]

Op 6 Mei 2023 het Louise die kroning van koning Charles III en koningin Camilla bygewoon. Op 7 Mei het sy die kroningskonsert in Windsor-kasteel bygewoon.[14]

Titels, aanspreekvorme en eerbewyse

[wysig | wysig bron]

Titels en aanspreekvorme

[wysig | wysig bron]

Louise staan ampelik as "lady Louise Mountbatten-Windsor" bekend,[15][16] hoewel die paleis haar ook al in sommige aankondigings "lady Louise Windsor" genoem het.[17][18]

Louise het met haar geboorte outomaties 'n Britse prinses (prinses Louise van Wessex, nou prinses Louise van Edinburg) geword danksy die patentbrief van 1917 wat die titel "prins"/"prinses" en die aanspreekvorm "Koninklike Hoogheid" aan alle kleinkinders van 'n monarg in die manlike lyn toegeken het.[19] Toe haar ouers trou, het Buckingham-paleis egter aangekondig hulle kinders sou die titels van 'n graaf se kinders hê, en nie dié van prins en prinses nie. In 2020 het Louise se ma herbevestig dat sy en haar broer die reg voorbehou om later hulle koninklike titels en aanspreekvorme te begin gebruik.[20]

Eerbewyse

[wysig | wysig bron]

In Junie 2008, ter erkenning van prins Edward se besoek aan die Kanadese provinsie Manitoba, is 'n meer in die noorde van die provinsie die Jamesmeer genoem, na haar broer, James. Louise is ook benoem met die Louisemeer in dieselfde provinsie.[21]

Verwysings

[wysig | wysig bron]
  1. ↑ Clarence House (14 Februarie 2011). "An update on Maid of Honour and Bridesmaids, Best Man and Page Boys". Queen's Printer. Geargiveer vanaf die oorspronklike op 11 Mei 2011. Besoek op 15 Februarie 2011.
  2. ↑ "The Countess of Wessex and Lady Louise Windsor attend Hockey World Cup Final in London". Royal Central. 5 Augustus 2018. Besoek op 5 Augustus 2018.
  3. ↑ "The real reason why the Countess of Wessex and Lady Louise Windsor visited Strictly Come Dancing". Hello!. 5 Desember 2018. Besoek op 5 Desember 2018.
  4. ↑ "Sophie Wessex and Lady Louise Windsor attend International Horse Show together in London". the world news.net. Besoek op 22 Desember 2018.
  5. ↑ Rice, Francesca (21 September 2020). "The Countess of Wessex looks cool and casual in jeans to litter-pick at the beach with her family". Good Housekeeping. Besoek op 16 November 2020.
  6. ↑ "Prince Edward and family spend sunny weekend on beach clean". Tatler. 21 September 2020. Besoek op 16 November 2020.
  7. ↑ "Prince Philip: The Queen says his death has 'left a huge void' - Duke of York". BBC News. Besoek op 11 April 2021.
  8. ↑ "Who attended Prince Philip's funeral?". BBC News. 17 April 2021. Besoek op 7 Augustus 2023.
  9. ↑ Hughes, Seren (2 Junie 2022). "Royal fans can't believe how grown up the Queen's youngest grandson looks". MyLondon. Besoek op 19 Augustus 2022.
  10. ↑ Osborne, Samuel. "Who was at the Queen's Jubilee service of thanksgiving? Royal family joined by Harry, Meghan and politicians past and present". Sky News. Besoek op 19 Augustus 2022.
  11. ↑ Coke, Hope (4 Junie 2022). "'You laugh with us and cry with us': Prince Charles pays heartfelt tribute to 'mummy' at historic Platinum Party". Tatler. Besoek op 19 Augustus 2022.
  12. ↑ "'Queen's grandchildren to stand vigil beside coffin on Saturday'". TheGuardian. 16 September 2022. Besoek op 16 September 2022.
  13. ↑ "Queen's youngest grandchild James Viscount Severn, 14, attends funeral with sister". Independent.co.uk. 19 September 2022.
  14. ↑ "The Coronation of TM The King and Queen Camilla". BBC. Besoek op 8 Mei 2023.
  15. ↑ "The Queen's grandchildren hold a Vigil at Westminster Hall". The Royal Family. 17 September 2022. Besoek op 23 Februarie 2023.
  16. ↑ "The Royal Family" (PDF). The Royal Family. Besoek op 23 Februarie 2023. Members of the Royal Family... Annex D - Royal Family
  17. ↑ "Family photographs of The Earl and Countess of Wessex with Lady Louise Windsor". The Royal Family. 7 Januarie 2004. Besoek op 23 Februarie 2023.
  18. ↑ "Announcement of the christening of Lady Louise Windsor". The Royal Family. 8 April 2004. Besoek op 23 Februarie 2023.
  19. ↑ "Royal Styles and Titles of Great Britain: Documents". www.heraldica.org. Besoek op 25 April 2023.
  20. ↑ "Queen Elizabeth's Grandchildren Will 'Work for a Living' and Won't Use HRH, Says Mom Sophie Wessex". People. Besoek op 9 Junie 2020.
  21. ↑ "Prince Edward begins Winnipeg visit". The Vancouver Sun. Kanada. 2 Junie 2008. Geargiveer vanaf die oorspronklike op 15 April 2011. Besoek op 30 Maart 2010.

Skakels

[wysig | wysig bron]
Ontsluit van "https://af.wikipedia.org/w/index.php?title=Lady_Louise_Mountbatten-Windsor&oldid=2847716"