Laerskool Krugersdorp-Noord

in Wikipedia, die vrye ensiklopedie
Laerskool Krugersdorp-Noord
Leuse Werk en Wen
Gestig 1919
Tipe Staatskool
Hoof Charles Miller
Stigter Mev. A Lowden
Grade R-7
Adres H.v. Buiten- en Derde Straat, Krugersdorp-Noord
Stad Krugersdorp
Provinsie Gauteng
Land Suid-Afrika
Skoolkoerant Oor-ie-Nories
Webblad http://www.noordskool.com

Op 7 Oktober 1919 open Laerskool Krugersdorp-Noord sy deure met 23 leerlinge, drie onderwyseresse, die hoof, mev. A Lowden en me. McClelland. Almal het op die trappies bymekaargekom en die opening van die skool het sonder formaliteit plaasgevind. Daarna het Mev. Lowden met 'n groepie van twaalf leerders, wat meestal bestaan het uit standerd een en twee leerders, hul plekke in klaskamer nommer twee ingeneem. Me. McClelland en haar graad een leerders het hul plek in klaskamer nommer een ingeneem. Die skool het bestaan uit drie klaskamers, 'n waskamer en 'n kombuis. Daar was nêrens 'n boom in sig nie.

In Januarie 1920 het die getal leerders gegroei tot 63 en dit het nog 'n onderwyser regverdig. In 1921 het die leerdergetalle die hoogte ingeskiet en daar was vir die eerste keer 'n tekort aan klaskamerruimte. Die getal leerlinge het gestyg tot 118 en 'n vierde onderwyseres is aangestel.

Op 23 September 1921 het Mev. Lowden afgetree en op 4 Oktober 1921 het mej. Smith dienste as hoof aanvaar. In 1922 het werkloosheid toegeneem as gevolg van die stakings en baie families was verplig om die Wesrand te verlaat. Die inskrywings van 1923 is 'n definitiewe weerspieëling van 'n tydperk van stilstand met getalle wat vir byna ses jaar tussen 120 en 135 gewissel het. Op 9 Desember 1927 het mej. Smith afgetree en op 17 Januarie 1928 het mnr. G. Visser die dienste as hoof van Laerskool Krugersdorp-Noord aanvaar.

In 1928 het die skool uit 196 leerlinge vanaf Graad 1 tot Standerd 5 en ses onderwysers bestaan. In 1928 het daar weer 'n klaskamertekort ontstaan en twee klasse moes in me. May se sit- en eetkamer ingeruim word. Me. May het oorkant die skool gewoon.

Bronne[wysig | wysig bron]

Eksterne skakels[wysig | wysig bron]