Laerskool Louis Leipoldt
Laerskool Louis Leipoldt is 'n Afrikaansmedium-laerskool in Lyttelton Manor, Centurion, Suid-Afrika. Die skool is vernoem na C. Louis Leipoldt - die Afrikaanse skrywer, dokter en dramaturg.
Die skool se missie is: "Om as rolmodel die kind se karakter te ontwikkel deur kwaliteit onderrig en waardes die kind in Afrikaans, as moedertaal, te begelei op 'n pad na sukses en selfverwesenliking om 'n verskil te maak."[1]
Van die sportaktiwiteite wat by die skool aanbied word is: atletiek, netbal, landloop, hokkie, krieket, mini-netbal, rugby, Bulletjie rugby, tennis,sagtebal en BEV-krieket.
Van die kultuuraktiwiteite wat by die skool aangebied word is: Voortrekkers, koor: junior & senior, musiekblyspel, orators, redenaars, Pretpraat, kunswedstryd, kultuurfees, spreekkoor, redaksie – skoolblad, entrepreneursdag Gr 7, Spelling Bee, Woordspel en Centurion Kunstefees.
Geskiedenis[wysig | wysig bron]
Die Laerskool Louis Leipoldt was oorspronklik gehuisves in 'n NG Kerk (Burgerlaan) vanaf Januarie 1948, nadat toestemming verkry is van die Onderwysdepartement in 1947. Mnr D.J. Malan was die eerste amptelike hoof van die skool. Die skoolsaal is ook na mnr Malan vernoem.
Bouwerk aan die nuwe skoolgebou het op 21 Februarie 1951 begin. Op 2 Oktober 1951 is dele van die nuwe skoolgebou betrek.
Die huidige skool is amptelik in ontvangs geneem op 8 Oktober 1952.[1]
Die borsbeeld van Louis Leipoldt is te sien in die skoolsaal. Dit was op 28 September 1967 onthul deur die direkteur van onderwys, mnr A.J. Koen. Die borsbeeld is geskep deur J. Steynberg.
Skoollied[wysig | wysig bron]
Die skoollied is geskryf deur Mnr G. Olivier en getoonset deur Mnr Hoffman wat ook 'n musiekonderwyser by die skool was. Die lied gaan as volg:
| Ons het 'n digtersvriend gehad
Wat uit ons ryke blommeskat Vir ons 'n Lentelied kon sing Wat lewenskrag vir ons kom bring. Ons huldig hom vir daardie sang wat ons met Lenteharte ontvang: In al ons werk… in elke kring Sal ons die Lenteblydskap bring. Refrein: In hierdie gees het ons besluit Ons werk, ons dien – niks sal ons stuit! By Louis Leipoldt wil ons leer Hoe ons 'n volk kan bou met eer. |
