Laerskool Menlopark

in Wikipedia, die vrye ensiklopedie
Jump to navigation Jump to search

Laerskool Menlopark is 'n publieke skool vir Afrikaans-sprekende primêre leerders wat in Tiende Straat, Menlopark, Pretoria naby Hoërskool Menlopark geleë is.

Geskiedenis[wysig | wysig bron]

Laerskool Menlopark is op 7 Januarie 1953 geopen met 310 skoliere.

Skoolwapen en Leuse[wysig | wysig bron]

In 1954 het die skoolhoof, mnr. B.H.P. du Toit, 'n skoolwapen en -leusekompetisie vir die leerlinge uitgeskryf. Die wenner was Estelle Knobel (tans Rosseau), 'n standerd 5-leerling. In hierdie wapen is Afrikaner-patriotisme en liefde vir die natuur saamgesnoer.

Die gemsbok is 'n dier wat gekenmerk word deur sy ongelooflike gehardheid en sy statige trotse houding. By hierdie trotse gemsbok pas die leuse "Wees Fier", die refrein van die gedig "Komaan" van Jan F.E. Cilliers. Die strewe is dat hierdie leuse en wapen 'n rigtinggewende krag gedurende die leerlinge se skoollewe en ook latere loopbane sal wees.

Skoollied[wysig | wysig bron]

Die skepper van die skoollied was dr. O.A. van der Stoep, wat ook op 'n latere stadium Die Hoërskool Menlopark se skoollied geskryf het. Alhoewel die ontstaan van die melodie en woorde spontaan en feitlik gelyktydig plaasgevind het, was dit volgens 'n sekere patroon en moes dit voldoen aan bepaalde vereistes wat dr. van der Stoep vir homself neergelê het. Die lied moes slegs een strofe hê; dit moes eenvoudig en singbaar wees vir kinders vanaf graad 1 tot graad 7. Die lied moes dus kort en saaklik, maar met diepe krag van woorde wees. Die inspirasie het gekom terwyl dr. van der Stoep in 1963 met vakansie in die Kalahari was.

Die woorde lui:

Getrou in werk en wandel
ook aan volk en taal.
En met die oog na Bo gerig:
Dit is ons ideaal.
In hoof en hart en hand,
in gees en in elke spier,
wil ons, ons dan ook diensbaar maak.
Ons leuse: WEES FIER!

Bekende alumni[wysig | wysig bron]

  • Jana Cilliers, Aktrise
  • Bok van Blerk (gebore Louis Pepler), Afrikaanse sanger
  • Henk Kraaij, Suid-Afrikaanse vlieënier
  • Carlien Scholtz, Springbok danseres
  • Konstant de Vos, Radio-persoonlikheid
  • Jean Swiegers, Afrikaanse musikant en lid van die musiekgroep, Die Tuindwergies
  • Emile Swiegers, Afrikaanse musikant en lid van die musiekgroep, Die Tuindwergies
  • Sarina Johnson, Radio-omroeper by TuksFM en seremoniemeester
  • Stefan Vermaak, akteur in Hartland
  • Theunis de Bruyn, Suid-Afrikaanse krieketspeler
  • Rikenette Steenkamp, Springbok hekkie-atleet (100m) (Verwerf 3 Suid-Afrikaanse titels in 2010 (op die ouderdom van 17) - SA Vroue Skole Kampioen, SA Junior Vroue Kampioen, SA Senior Vroue Kampioen)
  • Sonja Scholtz, Springbok skaakspeler
  • Charné van Biljon, Suid-Afrikaanse hokkiespeler

Lys van hoofseuns[wysig | wysig bron]

  • Henk Kraaij (2000)
  • Adriaan van Schoor (2001)
  • Bernard Kleynhans (2002)
  • Tredou Deysel (2003)
  • Louis van Biljon (2004)
  • Gideon Nel (2005)
  • Louis-Martin Cloete (2006)
  • Nico van der Dussen (2007)
  • Leus du Plooy (2008)
  • Jan-Anton Theron (2009)
  • Pieter-Ben Bernard (2010)
  • Hannes Strydom (2011)
  • Gustav Grotius (2012)

Lys van hoofdogters[wysig | wysig bron]

  • Carike Camphor (2000)
  • Nina van Schoor (2001)
  • Chrisna Kraaij (2002)
  • Willeen Gerryts (2003)
  • Marli Steyn (2004)
  • Annien Meyer (2005)
  • Charné van Biljon (2006)
  • Lara Matzner (2007)
  • Jana Nel (2008)
  • Karli le Roux (2009)
  • Alicia Swanepoel (2010)
  • Malene Rohde (2011)
  • Zaskia Bisschoff (2012)

Eksterne skakels[wysig | wysig bron]