Lafayette-teater
| ||
| Die opening van "Voodoo Macbeth" (14 April 1936). | ||
| Stad of dorp | New York (in Harlem) | |
| Land | VSA | |
| Geopen | 1912 | |
| Gesluit | 1951 | |
Die Lafayette-teater, plaaslik bekend as the House Beautiful, was een van die bekendste teaters in Harlem, New York.[1] Dit was geleë op die hoek van 132nd Street en Seventh Avenue. Die gebou is in 2013 afgebreek.
Vroeë jare[wysig | wysig bron]
Die Lafayette-teater was 'n tweeverdiepinggebou in die Renaissanceboustyl met 1 500 sitplekke wat deur die bankier Meyer Jarmulowsky gebou en sy deure in November 1912 geopen het.[2] In 1913 het dit die eerste groot teater in die VSA geword wat vir alle rasse oopgestel is.[2]
Afro-Amerikaners is toegelaat om in gewone stoele te sit pleks van op die balkon soos in ander teaters. Die Lafayette Players, die teater se vaste toneelgeselskap, het voor feitlik heeltemal swart gehore opgetree in toneelstukke uit wit teaterrepertoriums en in klassieke werke. Die show wat as Darktown Follies bekend geword het, is in 1913 opgevoer. Dit en ander gesofistikeerde produksies met swart akteurs het gehelp om wit teatergangers na Bo-Manhattan te lok.
Projekte[wysig | wysig bron]
In 1923 het Duke Ellington sy New Yorkse debuut in 'n groep van Wilbur Sweatman by die Lafayette gemaak en later het hy met sy eie groep daar opgetree.[3] Hy en sy orkers het ook in Oktober 1927 daar saam met die sangeres Adelaide Hall in Jazz Mania opgetree,[4] met die eerste openbare opvoering van die bekende lied "Creole Love Call". [5]
Die Lafayette-teater het die hoogtepunt van sy roem bereik met die "Voodoo Macbeth", 'n opvoering van Shakespeare se Macbeth wat deur Orson Welles verwerk en van 14 April tot 20 Junie 1936 opgevoer is. Die hele geselskap was Afro-Amerikaans, van hulle bekende akteurs soos Canada Lee en Rose McClendon. Die produksie was voor die tyd al bekend as die "Voodoo Macbeth", omdat die omgewing van Skotland na 'n fiktiewe Karibiese eiland in Haiti verander en voodoobeelde gebruik is in die plek van die heksery in die oorspronklike toeneelstuk.
In 1951 is die gebou deur 'n kerkgroep gekoop. Die oorspronklike fasade is in 1990 vervang, tot die ontsteltenis van baie voorstanders van historiese bewaring.[6] Die gebou is in 2013 afgebreek en vervang deur 'n woonstelblok van agt verdiepings met die naam Lafayette.[6][7]
Verwysings[wysig | wysig bron]
- ↑ Bordman, Gerald; Hischak, Thomas S. (2006). The Oxford Companion to American Theatre. Oxford University Press. p. 372. ISBN 9780195169867.
- ↑ 2,0 2,1 Gray, Christopher (11 November 1990). "Streetscapes: Harlem's Lafayette Theater; Jackhammering the Past". The New York Times. Besoek op 12 Januarie 2015.
- ↑ Ron Wynn, ed. (1994), "Venues", All Music Guide to Jazz, M. Erlewine, V. Bogdanov, San Francisco: Miller Freeman, p. 718, ISBN 0-87930-308-5
- ↑ Jazz Mania, October 1927, Lafayette Theater, Harlem:http://www.ellingtonweb.ca/Hostedpages/TDWAW/DropdownmenuDRAFT.html#aug27
- ↑ Williams, Iain Cameron (2002). Underneath A Harlem Moon ISBN 0-8264-5893-9
- ↑ 6,0 6,1 Dunlap, David W. (10 Maart 2013). "Icon of Harlem's Gay Night Life Gives Way to Wreckers". The New York Times. Besoek op 12 Januarie 2015.
- ↑ Wilson, Reid (14 Oktober 2014). "YIMBY Today: NYU Building Complex at LICH, Bushwick Acquisitions, More". New York YIMBY. Besoek op 17 Februarie 2016.
Bronne[wysig | wysig bron]
- Cullen, Frank; saam met Hackman, Florence, en McNeilly, Donald. "Lafayette Theatre in Harlem", Vaudeville Old & New: An Encyclopedia of Variety Performers in America (New York: Routledge Taylor & Francis Group, 2007):643
- Dunlap, David W. "Williams Institutional C.M.E. Church", From Abyssinian to Zion (New York: Columbia University Press, 2004):294}}
Skakels[wysig | wysig bron]
- Rolprentteaters ontwerp deur Victor Hugo Koehler.
- Stuart A. Rose Manuscript, Archives, en Rare Book Library, Emory-universiteit: "New Lafayette Theatre collection, 1968-2008"
Wikimedia Commons het meer media in die kategorie Lafayette-teater.
Hierdie artikel is in sy geheel of gedeeltelik uit die Engelse Wikipedia vertaal.
