Lai Ching-te
Lai Ching-te (Chinees: 賴清德, Pinyin: Lài Qīngdé, W.-G.: Lai Chʻing-tê; gebore 6 Oktober 1959 in Wanli)[1], beter bekend as William Lai, is ’n Taiwanese politikus van die Demokratiese Progressiewe Party (DPP) en sedert 20 Mei 2024 die sittende president van die Republiek van China (Taiwan).
Sedert 20 Mei 2020 was Lai die vise-president van Taiwan. Voorheen was hy die burgemeester van die stad Tainan, en van laat 2017 tot vroeë 2019 het hy as voorsitter van die Uitvoerende Yuan gedien, wat hom effektief die eerste minister van die Republiek van China (Taiwan) gemaak het. Tydens die presidentsverkiesing van 13 Januarie 2024 het Lai Ching-te as die DPP se presidentskandidaat gewen.
Jeug en opleiding
[wysig | wysig bron]Lai Ching-te is een van ses kinders wat deur sy ma as 'n enkelouer grootgemaak is, nadat hy op die ouderdom van twee jaar sy pa, ’n myner, deur ’n ongeluk verloor het.[2] Na sy skoolopleiding het hy Mediese Rehabilitasie aan die Cheng-Kung Nasionale Universiteit en die Nasionale Universiteit van Taiwan studeer, en later Openbare Gesondheid aan die Harvard-universiteit. Na sy terugkeer uit die Verenigde State het hy as terapeut by die kliniek van die Cheng-Kung Nasionale Universiteit en by die private Sinlau-kliniek in Tainan gewerk.
Politieke Loopbaan en Eerste Minister
[wysig | wysig bron]Op 8 September 2017 is Lai deur president Tsai Ing-wen aangestel as die opvolger van Lin Chuan as voorsitter van die Uitvoerende Yuan, oftewel die eerste minister van Taiwan. Na die nederlaag van die DPP by die plaaslike verkiesings in November 2018, het Lai sy bedanking aangekondig en die pos op 11 Januarie 2019 aan Su Tseng-chang oorhandig.
Op 18 Maart 2019 het Lai sy kandidatuur aangekondig as die DPP se hoofkandidaat vir die presidentsverkiesing wat die volgende jaar sou plaasvind. By die stemming van 10 tot 12 Junie 2019 het hy egter teen sy teenstander, die sittende president Tsai Ing-wen, verloor. In November van dieselfde jaar het die twee politici ooreengekom dat Lai tydens die verkiesing as Tsai se vise-presidentkandidaat sou deelneem.[3] Na die verkiesingsoorwining op 11 Januarie 2020 is Lai op 20 Mei 2020 ingehuldig as vise-president.
Partyleier van die DPP
[wysig | wysig bron]Na die bedanking van Tsai Ing-wen as voorsitter van die DPP op 26 November 2022 weens die streekverkiesings terugslae, is Lai op 15 Januarie 2023 as die nuwe voorsitter van die party verkies. Hy het 41 840 stemmeontvang met ’n opkoms van 17,59 %. Omdat hy sonder teenstander deelgeneem het, het dit 99,65 % van die uitgereikte stemme ooreenstem.
Visepresident onder Tsai Ing-Wen en later President sedert 2024
[wysig | wysig bron]By die presidentsverkiesing van 2024 het Lai ongeveer 40 % van die stemme gewen. Op 20 Mei 2024 is hy in sy amp ingehuldig. Op 4 Junie 2024 het Lai die 1989-demokratiebeweging wat op die Tian’anmen-plein in Beijing onderdruk is herdenk. Met sy oog op die Volksrepubliek China het hy gesê dat ’n werklik respekvolle land sy burgers toelaat om hul mening uit twe spreek.
Verwysings
[wysig | wysig bron]- ↑ "Who's Who in the ROC" (PDF). Executive Yuan. Geargiveer vanaf die oorspronklike (PDF) op 20 Oktober 2016. Besoek op 5 Mei 2016.
- ↑ Chau, Thompson (18 Januarie 2023). "After Lai's father died in a coal mine disaster, Lai and his five siblings were brought up by their mother, who made ends meet by taking day job after day job. Born in present-day New Taipei, he was two at the time of the tragedy". Nikkei Asia. Geargiveer vanaf die oorspronklike op 27 Desember 2023. Besoek op 28 Desember 2023.
- ↑ John Sudworth (11 Januarie 2020). "Taiwan election: Tsai Ing-wen wins second presidential term". BBC (in Engels). Besoek op 13 Januarie 2024.
