Langdoktervis

in Wikipedia, die vrye ensiklopedie
Jump to navigation Jump to search
Langdoktervis
Bewaringstatus

Status iucn3.1 LC af.svg
Veilig (IUBN 3.1)[1]

Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Acanthopterygii
Orde: Perciformes
Suborde: Acanthuroidei
Familie: Acanthuridae
Subfamilie: Acanthurinae
Genus: Acanthurus
Spesie: A. mata
Binomiale naam
Acanthurus mata
(G. Cuvier, 1829)

Die Langdoktervis (Acanthurus mata) is 'n vis wat wydverspreid in die Stille Oseaan, Indiese Oseaan en die Rooisee voorkom; ook aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Elongate surgeon.

Identifikasie[wysig | wysig bron]

Die vis word tot 50 cm lank en sy lyf is blou tot bruin met verskeie dun, horisontale, golfvormagtige strepies op die lyf en kop. Volwasse visse het 'n geel vlek oor die oog wat later verander na twee strepe voor die oog. Die boonste lip is geel en daar is 'n swart kol op die stertvin se basis. Die dorsale- en anale vinne is lig bruingeel. Die vis kan ook sy kleur verander na ligblou na aanleiding van sy gemoedstoestand. Die onvolwasse vissies het duideliker strepe en 'n wit streep op die stertvin se basis.

Hulle leef in aflandige koraal- en rotsriwwe in water wat 5 tot 40 m diep is. Hulle leef in klein groepies saam of in groter skole in oop water naby riwwe. Hulle word ook gesien by skoonmaakstasies. Die visse vreet hoofsaaklik soöplankton.

Die vis word maklik verwar met die geelvin-doktervis (Acanthurus xanthopterus).

Sien ook[wysig | wysig bron]

Bron[wysig | wysig bron]

  • The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Verwysings[wysig | wysig bron]

  1. Abesamis, R., Clements, K.D., Choat, J.H., McIlwain, J., Myers, R., Nanola, C., Rocha, L.A., Russell, B. & Stockwell, B. 2012. Acanthurus mata. In: IUCN 2013. IUCN Red List of Threatened Species. Version 2013.1. www.iucnredlist.org. Afgelaai op 26 Augustus 2013.

Eksterne skakel[wysig | wysig bron]