Langebaan-strandmeer
Die Langebaan-strandmeer is deel van die Weskus Nasionale Park. Dit is in 1988 tot 'n Ramsar-vleiland verklaar.
Die groot vlak lagune van ongeveer 6 000 ha lê by 33° 6′ suid en 18° oos en omvat verskeie eilande, sandbanke en rietbeddings. 'n Groot aantal visspesies gebruik dit as broeiplek. Die Langebaan-strandmeer is een van die wêreld se mees gesogte bestemmings vir sowat 30 soorte waadvoëls.[1] Die trekvoëls oorwinter hier, en sommige onvolwasse waadvoëls bly die hele jaar. Die grootste konsentrasie van seemeeue in die land word hier aangetref.
Minder voëls migreer egter jaarliks na dié area as voorheen. Volgens data van die Universiteit van Kaapstad het die getal migrerende waadvoëls gedaal van 35 000 in die somer en 10 000 in die winter tydens die 1970’s en 1980’s, tot slegs 3 615 in 2019. Dit is ‘n daling van ongeveer 89%. Getalle van die krombekstrandloper het byvoorbeeld van 20 000 per jaar tot 1 335 voëls in 2019 gedaal.[1]
Lees ook
[wysig | wysig bron]Bibliografie
[wysig | wysig bron]- 1 2 Buckle, Alida (1 November 2019). "Minder voëls, vis in Langebaan-meer". Maroela Media. Besoek op 17 Desember 2025.
- Roux, Heléne en Dearlove, Trevor: Op die vooraand van verandering. In: Omgewing RSA. Departement van Omgewingsake. Deel 12, nr. 10, Oktober 1985