Lawrence Scarpa

in Wikipedia, die vrye ensiklopedie
Jump to navigation Jump to search

Angela Brooks and Lawrence Scarpa.jpg
Lawrence Scarpa saam
met sy vennoot en eggenote Angela Brooks



Lawrence Scarpa

Amerikaanse argitek


Ateljee
Brooks + Scarpa
Los Angeles


Beduidende projekte

Solar Umbrella as seen from Woodlawn Ave.jpg

"Sonskermgebou"
Venice, LA, Kalifornië (2005)

The SIX Affordable Veterans Housing.jpg

The SIX
Los Angeles (2016)


Toekennings en pryse

18 Nasionale AIA-pryse
Rudy Bruner-prys
Lifetime Achievement Award,
Interior Design Magazine
(2009)
Smithsonian Cooper-Hewitt National Design Museum Award in Architecture (2014)
American Institute of Architects California Council (AIACC) Lifetime Achievement Award (2015)


Webtuiste

brooksscarpa.com

Lawrence Scarpa (* 28 Oktober 1959 in Queens, New York) is 'n argitek wat in Los Angeles, Kalifornië werksaam is. Scarpa geniet internasionale erkenning as 'n baanbreker vir volhoubare ontwerp waarby hy op 'n kreatiewe en onverwagte manier gebruik maak van konvensionele boumateriale.[1][2] Die werksaamhede van sy ateljee met 25 medewerkers strek van landskapsargitektuur, beplanning en omgewingsontwerp tot meubel-, grafiese en binnenshuise ontwerp.

Een van die sentrale kwessies, waarmee die ateljee Brooks + Scarpa hom besig hou, is die verskaffing van bekostigbare behuising.[3] Projekte in dié verband sluit Step Up in, 'n behuisingsprojek vir dakloses en geestelik gestremdes, met 46 studio-woonstelle in die middestad van Santa Monica, en The SIX, 'n behuisingsprojek met 52 wooneenhede vir voorheen daklose gestremde oudsoldate wat in opdrag van die Skid Row Housing Trust in Los Angeles se MacArthur Park-buurt ontstaan het. Die laasgenoemde projek is bekroon met die American Institute of Architects (AIA) se prys van 2017 vir argitektuur (2017 AIA Awards Architecture).[4]

Lewe en loopbaan[wysig | wysig bron]

Fuller Lofts, 'n voorbeeld van bekostigbare behuising in Lincoln Heights, Los Angeles. 'n Betongebou uit die 1920's, wat in 'n benadeelde buurt van Los Angeles geleë was, is herontwikkel tot 'n woonstelgebou wat uit 102 wooneenhede met sowel bekostigbare as markgerigte huurgelde bestaan
Redelco Residence, Hollywood Hills[5]

Scarpa is in die New Yorkse stadsdeel Queens in 'n Joods-Italiaanse gesin gebore. Sy vader, 'n posman, het 'n newe-inkomste verdien met klein bouprojekte en sodoende Lawrence se belangstelling en passie vir argitektuur gewek. So het hy as kind sy eerste klein geboue ontwerp wat hy van allerlei soorte bouafval en hout gebou het. Na die ontydige afsterwe van sy moeder, wat in 1967 aan kanker oorlede is, het die gesin na Miami in Florida verhuis.

Lawrence Scarpa is getroud met die Amerikaanse argitek Angela Brooks, 'n vennoot van die AIA.

Bekostigbare behuising[wysig | wysig bron]

Lawrence Scarpa is die medestigter van Livable Places, Inc., 'n nie-winsgewende organisasie wat in die eiendomsontwikkelingsbedryf werksaam is en sy invloed laat geld op die openbare beleid ten opsigte van behuising - onder meer deur die bou van geboue vir gemengde gebruik op onderbenutte of andersins moeilike grond. Meer onlangs het hy opgetree as medestigter van die Affordable Housing Design Leadership Institute (AHDLI) wat betrokke is by die ontwikkeling van meer volhoubare en bewoonbare leefruimtes vir gemeenskappe.

Verwysings[wysig | wysig bron]

Literatuur[wysig | wysig bron]

Tibby Rothman: Ordinary and Extraordinary. Brooks + Scarpa. Los Angeles: Gulf Pacific Press 2018