Leicester City FC

Leicester City
Volle naam	Leicester City Football Club
Bynaam/me	The Foxes
Stigting	1884 (1884) (as Leicester Fosse F.C.)
Tuisveld	King Power-stadion
Kapasiteit	32 259
Voorsitter	Aiyawatt Srivaddhanaprabha
Afrigter	Martí Cifuentes
Liga	Football League Championship
Tuiskleure 　 Wegkleure

Leicester City Football Club is ’n professionele sokkerklub gebaseer in die stad Leicester, in die East Midlands, Engeland. Die klub ding mee in die Championship, die tweede vlak van Engelse sokker.

Die klub is in 1884 gestig as Leicester Fosse FC, en het in 1919 sy huidige naam, Leicester City, aangeneem — gelyktydig met die stad Leicester se verkryging van amptelike stadstatus. Hulle het in 1891 na Filbert Street geskuif, is in 1894 tot die Football League verkies, en het in 2002 na die nabye King Power-stadion verskuif.

Leicester City het sewe groot trofeë binne die Engelse sokkerligastelsel gewen: een Premierliga, een FA-beker, drie Ligabekers en twee FA Community Shields. Leicester is tans die 6de suksesvolste span in Engelse sokker sedert 2000, en een van slegs vyf klubs wat sedertdien al al drie groot binnelandse trofeë gewen het. Die klub se Premierliga-titel in 2015–16 het wêreldwyd aandag getrek — hulle het een van slegs sewe spanne geword wat die Premierliga sedert sy ontstaan in 1992 gewen het.

Voor 2015–16 was Leicester se hoogste liga-eindposisie tweede plek in die hoogste afdeling in 1928–29. Die klub het al aan sewe Europese kompetisies deelgeneem, insluitend die UEFA Champions League kwarteindronde in 2016–17, en die UEFA Europa Conference League halfeinstryd in 2021–22. Leicester het ook al vyf keer die FA Cup-eindstryd gehaal, en hul eerste FA Cup-titel in 2021 gewen. Hulle het die Ligabeker gewen in 1964, 1997, en 2000, en was finaliste in 1964–65 en 1998–99.

Eksterne skakels

• Amptelike webwerf