Lelik is my offer

Lelik is my offer is 'n 96 minuut lange Afrikaanse drama wat in 1974 vrygestel is.^[1] Die film is deur Joe Stewardson geregisseer met 'n draaiboek ook deur Joe Stewardson en verwerking deur Henk Goosen en Roelf Jacobs. Die film is vervaardig deur Flip Bezuidenhout/Legioen Films en versprei deur Flip Bezuidenhout Produksies/Nu Metro.^[1]

Sinopsis

Die verhaal beskryf hoe 'n groepie Suid-Afrikaanse toeriste die Kariba-dam en Rhodesië besoek. Hul toerbus word deur terroriste gekaap, en die groep word as gyselaars in die kragsentrale binne die damwal aangehou. Die terroriste plaas plofstof by die kragopwekkers en stel dan hul eise. Die Caprivi-span vang via die radio nuus op van die drama by die dam. Alhoewel daar slegs 'n geringe kans is om beide die gyselaars en die dam te red, aanvaar die Caprivi-span die uitdaging.^[1]

Rolverdeling

Die rolverdeling is Cobus Rossouw, Anéle Jonker, Blanche Lloyd, Harry Mekela, Johan du Plooy, Essie Esterhuizen, June Neethling, Dawid Meintjies, Josh du Toit, Harry Mekele, Leon Mellet, Ina Rowles, Johann Buijs, Johannes Siebert, en Jacob le Roux.^[1]

Verwysings

1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[Steyn2015-1] 1 2 3 4 Steyn, Christa. Die argivering van die Afrikaanse film (1916 – 2014). MA-verhandeling: Universiteit van die Vrystaat.

[1]