Leonora van den Heever
Leonora van den Heever | |
|---|---|
| Gebore | Leonora van den Heever 9 Julie 1926 |
| Sterf | 20 November 2025 |
| Nasionaliteit | Suid-Afrika |
| Beroep | 'n regter van die Hooggeregshof van Suid-Afrika |
Leonora van den Heever (9 Julie 1926 – 20 November 2025) was 'n regter van die Hooggeregshof van Suid-Afrika. Sy was Suid-Afrika se eerste vroulike regter en die eerste vrou wat as regter van die Hooggeregshof van Appèl van Suid-Afrika aangestel is.[1][2][3]
Vroeë lewe en opvoeding
[wysig | wysig bron]Van den Heever is in Windhoek gebore, die dogter van die juris en digter Toon van den Heever en Margaretha van den Heever (née Rautenbach).[4] Sy het die C&N Sekondêre Meisieskool Oranje in Bloemfontein bygewoon, waarna sy haar tersiêre studies aan die Universiteit van Pretoria voltooi het, waar sy, cum laude, haar BA-graad in Engels en Latyn verwerf het, gevolg deur 'n MA-graad, cum laude, in Engels.[5] Sy het daarna by die Normaalkollege in Bloemfontein klas gegee, maar, oorreed deur haar vader, het sy tydelik as 'n regtersregistrateur begin werk en ook deeltyds haar LLB deur die Universiteit van die Oranje-Vrystaat begin, waar sy in 1951 gegradueer het.[6]
Loopbaan
[wysig | wysig bron]Van den Heever het in 1952 as advokaat by die Bloemfonteinse Balie begin praktiseer en in 1968 het sy 'n senior advokaat geword. In 1969 is sy as regter in die Noord-Kaapse Afdeling aangestel en sodoende die eerste vroulike regter in Suid-Afrika geword.[5] In 1979 het sy begin dien op die Bank van die Kaapse Provinsiale Afdeling en van tyd tot tyd gedurende 1982 tot 1985 was sy deel van die Bophuthatswana Hof van Appèl.
In 1991 het sy die eerste vroulike regter geword wat permanent aangestel is in die appèlafdeling van die Suid-Afrikaanse Hooggeregshof in Bloemfontein, waar sy gedien het tot haar aftrede. Nadat sy op 70-jarige ouderdom afgetree het, het sy ingestem tot werk in die Kaapse Provinsiale Afdeling en vir 'n aantal jare op die Appèlbanke van Lesotho en Swaziland gedien.[2]
Ander belangstellings
[wysig | wysig bron]Van den Heever het haar liefde vir letterkunde voortgesit deur twee gepubliseerde kinderboeke te skryf, asook kortverhale onder 'n skuilnaam vir Sarie Tydskrif.[1] Sy het ook as trustee van die Ballet Benevolent Fund vir Kruik en as raadslid van die SA Jeugorkes opgetree en was ook voorsitter van die SA Biblioteekraad.[2]
Afsterwe
[wysig | wysig bron]Van den Heever is op 20 November 2025 in Kaapstad oorlede, op die ouderdom van 99.[7]
Eerbewyse en toekennings
[wysig | wysig bron]Van den Heever het in 1996 die Kanseliersmedalje van die Universiteit van Pretoria ontvang, in 1997 'n ere-LLD van die Universiteit van Stellenbosch en in 1987 die Women's Bureau Prestasietoekenning.[2]
Verwysings
[wysig | wysig bron]- ↑ 1,0 1,1 "Leonora van den Heever Papers". AtoM@UCT.
- ↑ 2,0 2,1 2,2 2,3 "Signing of the Civic Honours Book" (PDF). City of Cape Town. p. 13.
- ↑ Riding, Alan (31 Maart 2022). "The Paris Opera's Next Season". The New York Times (in Engels (VSA)). ISSN 0362-4331. Besoek op 2 April 2022.
- ↑ "Leonora van den Heever 1998". Nelson Mandela University. Besoek op 23 Maart 2025.
- ↑ 5,0 5,1 Southwood, M. D. (1988). "Fathers and their children on our Bench" (PDF). Advocate. General Council of the Bar of South Africa: 21–27.
- ↑ "Vroue-advokaat – amper 'n halfeeu gelede [Female Advocate – almost half a century ago]" (PDF). Advocate. General Council of the Bar of South Africa: 33–35. 1999.
- ↑ South Africa’s first female judge dies at 99 betaalmuur}}
| Internasionaal | |
|---|---|
| Nasionaal | |
