Lesley Beake

in Wikipedia, die vrye ensiklopedie
Jump to navigation Jump to search
Lesley Beake
Geboorte 1949
Edinburgh, Skotland
Nasionaliteit Suid-Afrika
Beroep Skrywer
Bekend vir Kinderboeke
Eerbewyse Percy FitzPatrick-prys
M-Net-boekprys

Lesley Beake (1949—) is ’n Skotsgebore Suid-Afrikaanse skrywer van kinderboeke. Haar boeke is in meer as sewe tale vertaal (waaronder Sweeds, Japannees en Nederlands) en sy het verskeie daarvoor pryse ingepalm. In 1986-’87 wen sy die Percy FitzPatrick-prys vir The Strollers. Haar boek, A Cageful of Butterflies, is met die Percy FitzPatrick-prys van 1988-'89, asook die M-Net-boekprys van 1991 bekroon.[1]

Beake is in Edinburgh in Skotland gebore.[2] In 1966 emigreer sy na Suid-Afrika. Sy studeer aan die Rhodes-universiteit en aan Unisa. Ná haar studies het sy as 'n dosent gewerk en haar met Engels as tweede taal en met personeelopleiding bemoei.

Een van haar eerste werke is Detained at her majesty's pleasure (1986), wat as 'n realistiese jeugverhaal beskryf word. The strollers (1987) is 'n jeugboek oor die lewe van straatkinders in Kaapstad. Beake het navorsingsmateriaal gebruik om hierdie storie lewenseg te maak. Daarteenoor is Traveller (1989) 'n historiese jeugboek oor die lewe in die 19de eeu aan die Kaap. Song of Be (1991) handel oor Be, 'n Boesman-meisie van Namibië, wat die dorp met haar moeder verlaat om op die plaas 'Ontevrede' te gaan woon, waar haar oupa gewerk het. Be maak kennis met die veranderende kultuur en politiek van Namibië. Haar boek Beau and the Baobabtree verskyn in 1992 en in 1997 word Jakey gepubliseer. Talle boeke het daarna gevolg.

Werke[wysig | wysig bron]

  • Detained at Her Majesty's pleasure: the journal of Peter David Hadden, 1986
  • The Strollers, 1987
  • A Cageful of Butterflies, 1989
  • Rainbow, 1989
  • Traveller, 1989
  • Merino, 1989
  • Serena's Story, 1990
  • Tjojo and the wild horses, 1990
  • Song of Be, 1991
  • Bau and the baobab tree, 1992
  • Mandi's wheels, 1992
  • The Race, 1992
  • Café Thunderball, 1993
  • One dark, dark night, 1993
  • Jakey, 1997
  • An Introduction to Africa, 2000
  • Home Now, 2006
  • Remembering Green, 2009

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Linda Rode & G. Jakes Gerwel, eds., Crossing over: new writing for a new South Africa, 1995, p.57