Liberty Bell

in Wikipedia, die vrye ensiklopedie
Spring na: navigasie, soek

Diee Liberty Bell in Philadelphia (Pennsylvanië) is 'n Amerikaanse klok van geskiedkundige betekenis en moontlik een van die mees bekende simbole wat met die Amerikaanse Rewolusie en die Amerikaanse Rewolusionêre Oorlog geassosieer word. Die klok versinnebeeld die onafhanklikwording, die afskaffing van slawerny, die Amerikaanse nasie en die vryheid binne die grense van die Verenigde State.

Die klok is op 8 Julie 1776 gelui om die burgers van Philadelphia na die eerste openbare lesing van die Amerikaanse Onafhanklikheidsverklaring te ontbied. Die klok is vooraf gelui om die opening van die Eerste Kontinentale Kongres in 1774 aan te kondig en 'n tweede keer ná die Slag van Lexington en Concord in 1775.

Die Liberty Bell het tot by die jaar 1837 as die Independence Bell of die Old State House Bell bekend gestaan en is daarna deur die American Anti-Slavery Society as 'n simbool van die abolisie-beweging gebruik.

Inskripsie[wysig]

Die Liberty Bell

Die inskripsie op die Liberty Bell lees:

Cquote1.svg PROCLAIM LIBERTY THROUGHOUT ALL THE LAND UNTO ALL THE INHABITANTS THEREOF LEV. XXV X.

BY ORDER OF THE ASSEMBLY OF THE PROVINCE OF PENSYLVANIA FOR THE STATE HOUSE IN PHILADA
PASS AND STOW
PHILADA
MDCCLIII

Cquote2.svg

Die bron van hierdie inskripsie is verse uit die Bybel (Levitikus hoofstuk 25, vers nommer 10, King James-bybel):

"And ye shall hallow the fiftieth year, and proclaim liberty throughout all the land unto all the inhabitants thereof: it shall be a jubile unto you; and ye shall return every man unto his possession, and ye shall return every man unto his family."

(En julle moet die vyftigste jaar heilig en 'n vrylating in die land uitroep aan al sy bewoners. Dit moet vir julle 'n joebeljaar wees; dan moet julle elkeen na sy besitting en elkeen na sy geslag teruggaan.)[1]

Die inskripsie is aangebring ter viering van die 50ste verjaarsdag van William Penn se Charter of Privileges, 'n raamwerk vir die regering van Pennsylvanië.

Verwysings[wysig]

  1. Die Bybel in Afrikaans. Kaapstad: Bybelgenootskap van Suid-Afrika 1957