Gaan na inhoud

Libor Pešek

in Wikipedia, die vrye ensiklopedie
Libor Pešek
Pešek in 2019
Agtergrondinligting
Gebore(1933-06-22)22 Junie 1933
Praag, Eerste Tsjeggiese Republiek
Sterf23 Oktober 2022 (op 89)
Praag, Tsjeggië

Libor Pešek (22 Junie 193323 Oktober 2022) was 'n Tsjeggiese dirigent. Hy was een van die bekendste dirigente van sy tyd, en het gereeld opgetree as hoofdirigent van Europees-gebaseerde orkeste. Hy het ook vir tien jaar die leiding geneem oor die Koninklike Liverpool Filharmoniese orkes. Sy loopbaan het 'n tydperk van meer as 70 jaar oorspan, en hy het verskeie pryse ontvang van onder meer Groot-Brittanje. Hy het Tsjeggiese musiek deur komponiste soos Vítězslav Novák, Josef Suk en Pavel Josef Vejvanovský gedirigeer.

Lewe en loopbaan

[wysig | wysig bron]

Pešek is gebore in Praag, Tsjeggo-Slowakye,[1] op 22 Junie 1933.[2][3] Tydens sy hoërskooljare het hy 'n jazzband opgerig.[4] Hy het dirigeer, klavier, tjello en die tromboon gestudeer aan die Akademie van Musikale Kunste onder leermeesters soos Václav Smetáček en Karel Ančerl.[2][5]

Pešek was betrokke by die Plzeň Opera en die Praagse Nasionale Opera. Van 1958 tot 1964 was hy die direkteur van die Praagse Kamerharmonie, wat hy gestig het.[5][6] In die sewentigerjare het hy orkeste in Leeuwarden en Enschede, Nederland gelei. Hy het ook die Sebastian-orkes opgerig.[4] Pešek was vanaf 1981 tot 1982 hoofdirigent van die Slowaakse Filharmoniese Orkes, en van 1982 tot 1990 inwonende dirigent van die Tsjeggiese Filharmoniese Orkes.[5] Hy het ook gedien as dirigent tydens die inhuldiging van Václav Havel in Desember 1989.[1]

In die Verenigde Koninkryk was Pešek vanaf 1987 tot 1998 musiekdirekteur van die Koninklike Liverpool Filharmoniese orkes (RPLO). Hy het destyds die titel van dirigent-laureaat gehou,[5] wat 'n jaarlikse konsert ingesluit het. [6] Sy werk saam met die RLPO het die dirigeer van die première van Anthony Powers se Horingconcerto, met Michael Thompson as die solis, ingesluit.[7] Hy het die orkes in 1993 gegirigeer tydens die opening van die Praagse Lentefees; die eerste buitelandse orkes wat genooi is.[5][6] Hy het ook die groep begelei tydens sy eerste toer van die Verenigde State.[8] Gedurende sy tyd aan die hoof van die RLPO het dit bekend gestaan as "die beste Tsjeggiese orkes buite Praag" .[2][9]

Met ingang 2007 was Pešek die hoofdirigent van die Tsjeggiese Nasionale Simfonieorkes. Hy het aan die einde van die 2018-2019 seisoen uitgetree uit die pos.[5][10]

Pešek is veral bekend om sy interpretasies van Tsjeggiese musiek. Hy was 'n voorstander van minderbekende Tsjeggiese komponiste soos Josef Suk en Vítězslav Novák. Sy opnames sluit die musiek van Pavel Josef Vejvanovský in.[11]

Op 23 Oktober 2022 het Jan Hasenöhrl, 'n Tsjeggiese trompetspeler, Pesek se dood afgekondig, Pesek was 89.[5][12][13]

Verwysings

[wysig | wysig bron]
  1. 1,0 1,1 Fraňková, Ruth (24 Oktober 2022). "In memoriam: Czech conductor and Knight of British Empire Libor Pešek". Radio Praag. Besoek op 25 Oktober 2022.
  2. 2,0 2,1 2,2 "Liverpool Philharmonic conductor Libor Pešek dies at 89". Associated Press. 24 Oktober 2022. Besoek op 25 Oktober 2022.
  3. {{cite news|title=Today's birthdays|url=https://www.proquest.com/docview/2679007020%7Cpage=26%7Cdate=22 June 2022|access-date=25 October 2022|newspaper=The Daily Telegraph|location=Londen|id=
  4. 4,0 4,1 {{cite news|title=Czech conductor Libor Pesek dies aged 89|url=https://www.proquest.com/docview/2727478374%7Cdate=24 Oktober 2022|access-date=25 Oktober 2022|agency=Tsjeggiese Nuusagentskap|id=
  5. 5,0 5,1 5,2 5,3 5,4 5,5 5,6 Linton, Siena (19 Maart 2019). "Steven Mercurio made Music Director of the CNSO". Czech National Symphony Orchestra. Besoek op 23 Maart 2019.
  6. 6,0 6,1 6,2 Patmore, David (2022). "Libor Pešek (1933–2022)". Naxos. Besoek op 25 Oktober 2022.
  7. Warnaby, John, "New Powers" (Maart 1992) . Tempo (New Ser.), 180: pp. 22–24.
  8. {{cite news|title=Phil strikes the right chord with Birthday concert – Celebrated conductor Libor Pesek returns to the Philharmonic to conduct his own 70th birthday celebration|url=https://www.proquest.com/docview/341196875%7Cpage=31%7Cfirst=Lew%7Clast=Baxter%7Cdate=20 Junie 2003|access-date=25 Oktober 2022|newspaper=Liverpool Daily Post|id=
  9. {{cite news|title=Review: Libor Pesek, RLPO Philharmonic Hall|url=https://www.proquest.com/docview/896608666%7Cpage=9%7Cfirst=Joe%7Clast=Riley%7Cdate=7 Oktober 2011|access-date=25 Oktober 2022|newspaper=Liverpool Echo|id=
  10. Tsjeggiese Nasionale Simfonieorkes (19 Maart 2019). "Steven Mercurio made Music Director of the CNSO". Persberig. https://www.cnso.cz/en/news/steven-mercurio-made-music-director-of-the-cnso. Besoek op 23 Maart 2019. 
  11. Tyrrell, John, "Vejvanovský: Serenades and Sonatas" (record review) (1972). The Musical Times, 113 (1554): p. 783.
  12. "Zemřel dirigent Libor Pešek, vedl královský orchestr v Liverpoolu | ČeskéNoviny.cz". ceskenoviny.cz (in Tsjeggies). 23 Oktober 2022. Besoek op 24 Oktober 2022.
  13. "Liverpool Philharmonic conductor Libor Pešek dies at 89". KFOR.com Oklahoma City (in Engels (VSA)). 24 Oktober 2022. Besoek op 30 Oktober 2022.

Eksterne skakels

[wysig | wysig bron]
Kulturele poste
Voorafgegaan deur
Paul Freeman
Hoofdirigent, Tsjeggiese Nasionale Simfonieorkes
2007–2019
Opgevolg deur
Steven Mercurio