Limehouse

in Wikipedia, die vrye ensiklopedie
Jump to navigation Jump to search
Limehouse
Die Limehouse-bekken
Die Limehouse-bekken
Ligging van Limehouse op 'n kaart (Groter Londen)
Limehouse
Limehouse
Koördinate: 51°30′57″N 0°01′54″W / 51.51583°N 0.03167°W / 51.51583; -0.03167Koördinate: 51°30′57″N 0°01′54″W / 51.51583°N 0.03167°W / 51.51583; -0.03167
Land Vlag van Verenigde Koninkryk Verenigde Koninkryk
Land Flag of England.svg Engeland
Graafskap Groter Londen
Borough Tower Hamlets
Bevolking (2011)
 - Stadsdeel 15 986
Tydsone MGT (UTC±00:00)
 - Somer (DST) BST (UTC+01:00)
Poskode E14
Skakelkode(s) 020

Limehouse is 'n buurt in die ooste van die Britse hoofstad Londen wat deel uitmaak van die administratiewe stadsdistrik London Borough of Tower Hamlets. Reeds vanaf die 14de eeu is Limehouse verbind met kalkbrandery. So is die buurt se naam afgelei van die kalkoonde wat langs die Teemsoewer ontstaan het.

Die buurt, wat net oos van Wapping geleë is, het in die 18de en 19de eeu tot 'n belangrike spilpunt van die Londense skeepsboubedryf en kanaalnetwerk ontwikkel het. Hier, waar Asiatiese immigrante werk kom soek het, het ook die eerste Chinese buurt in Londen ontstaan wat die aandag van die Victoriaanse sensasiepers en -literatuur getrek het met sy beweerde opiumkroeë en onwettige dobbelary. Limehouse was in die laat 19de eeu een van Londen se berugte armehuise en rooiligdistrikte. Die buurt en sy bewoners is onsterflik gemaak in die literêre werke van skrywers soos Charles Dickens (1812−1870) en Thomas Burke (1886−1945).

In die buurt se destyds beklemmende en onheilspellende atmosfeer speel ook die Britse skrywer Peter Ackroyd se riller Dan Leno and the Limehouse Golem af wat in 1994 gepubliseer en in 2016 deur die Amerikaanse regisseur Juan Carlos Medina as The Limehouse Golem vir die silwerdoek verfilm is.[1]

Limehouse het sy oorspronklike karakter kwytgeraak met die verwoesting, wat Duitse bomaanvalle gedurende die Tweede Wêreldoorlog gesaai het, en die na-oorlogse uitbreiding van Londen se padnetwerk. Enkele straatname is die laaste oorblyfsels van die vroeëre Chinatown, terwyl ook Limehouse se dokke in die 20ste eeu gesluit is.

Verwysings[wysig | wysig bron]

Eksterne skakels[wysig | wysig bron]

Geskiedenis
Literatuur